Dec 01, 2022 12:12 pm
views : 422
Location : Different places
Islamabad- Late journalist Ziauddin to be conferred Sitara-e-Imtiaz: Ahsan Iqbal
مرحوم صحافی محمد ضیاء الدین
کو ستارہ امتیاز سے نوازا جائے گا، وفاقی وزیر احسن اقبال کا کہنا ہے کہ
ہمیں قوم کوعالمی معیار اور مسابقت کے تقاضوں سے آگاہ کرنا ہوگا ، مرحوم
ضیاء الدین ایک اعلٰی صحافی کے ساتھ ساتھ ایک بہترین انسان بھی تھے
وفاقی
وزیر برائے منصوبہ بندی ترقی اور خصوصی اقدامات احسن اقبال کا کہنا ہے کہ
اکانمک جرنلزم ملکی معیشت کو زراعت، صنعت کو، سروسز کو، اور ہر پاکستانی
نوجوان کو ایکسپورٹ کی طرف راغب کرنے میں ریڑھ کی ہڈِی کا کردار ادا کرے
گی۔ہمیں قوم کوعالمی معیار اور مسابقت کے تقاضوں سے آگاہ کرنا ہوگا۔
وفاقی
وزیر برائے منصوبہ بندی ترقی اور خصوصی اقدامات احسن اقبال نے مرحوم صحافی
ضیاء الدین کو ان کی پہلی برسی کے موقع پر خراج عقیدت پیش کرتے ہوئے صحافت
کے شعبے میں خدمات پر ملک کا تیسرا اعلیٰ ترین اعزاز ستارہ امتیاز سے
نوازنے کا اعلان کیا ہے، یہ ایوارڈ ان کے اہل خانہ 14 اگست 2023 کو وصول
کریں گے۔
وفاقی وزیر نے یہ اعلان وزارت منصوبہ بندی کے زیر اہتمام ایک
تعزیتی ریفرنس کے دوران مرحوم صحافی کو خراج عقیدت پیش کرتے ہوئے کیا۔
تقریب میں سول سوسائٹی کے کارکنوں، صحافیوں اور زندگی کے مختلف شعبوں سے
تعلق رکھنے والے افراد نے شرکت کی۔ مرحوم ضیاء الدین طویل علالت کے بعد 29
نومبر 2021 کو اسلام آباد میں 83 سال کی عمر میں انتقال کر گئے تھے۔ 60 سال
پر محیط اپنے شاندار کیریئر کے دوران، مرحوم ضیاء الدین نے دی مسلم، دی
نیوز، ڈان اور ایکسپریس ٹریبیون سمیت ملک کے تقریباً تمام بڑے اخبارات کے
لیے بڑے پیمانے پر کام کیا۔
اس موقع پر خطاب کرتے ہوئے وفاقی وزیر نے
مرحوم صحافی کو خراج عقیدت پیش کرتے ہوئے کہا کہ مرحوم ضیاء الدین ایک
اعلٰی صحافی کے ساتھ ساتھ ایک بہترین انسان بھی تھے جن کی خدمات پاکستان
اور شعبہ صحافت کے لیے ایک شاندار مثال ہیں۔ واضح رہے کہ ملکی تاریخ میں یہ
پہلا موقع ہے کہ حکومت کی جانب سے کسی صحافی کو صحافت کے شعبے میں نمایاں
خدمات پر خراج عقیدت پیش کیا گیا۔
معروف صحافی حامد میر نے مرحوم ضیاء
الدین کو خراج عقیدت پیش کرتے ہوئے کہا کہ وہ ان صحافیوں میں سے تھے جنہوں
نے ملک کے آمروں کے خلاف ڈٹ کر جنرل ضیاء اور جنرل مشرف کے بدترین دور کا
سامنا کیا۔