Nov 19, 2022 02:26 pm
views : 417
Location : domestic place
Islamabad- FM Bilawal eyes GSP+ status after FATF grey list exit
افغانستان میں داعش اور
دہشتگردوں کے گروپس کی وجہ سے ہمیں خطرات ہیں، وزیر خارجہ کا کہنا ہے کہ
پاک امریکاتعلقات میں دوری ہوتی ہے تومنفی نتائج ہوتے ہیں ، پاکستان اور
امریکا کے درمیان اچھے اور تاریخی تعلقات ہیں
وزیر
خارجہ بلاول بھٹو زرداری نے کہا ہے کہ پاکستان اور امریکا کے مابین روابط
میں کمی سے دونوں ممالک کے لیے مسائل پیدا ہوئے۔وزیر خارجہ بلاول بھٹو
زرداری نے کہا ہے کہ تاریخ گواہ ہے جب پاکستان اور امریکا کے درمیان دوری
پیدا ہو تو دونوں ملکوں کے لیے مشکلات پیدا ہوتی ہیں ، افغانستان میں داعش
اور دہشتگردوں کے گروپس کی وجہ سے ہمیں خطرات ہیں
وفاقی دارالحکومت
اسلام آباد میں پریس کانفرنس کرتے ہوئے بلاول بھٹو زرداری کا کہنا تھا کہ
تمام ممالک کے ساتھ مضبوط تعلقات سے ہم عوام اور ملکی بہتری کے لیے کام کر
سکتے ہیں۔
وزیر خارجہ نے کہا کہ پاکستان اور امریکا کے درمیان اچھے اور
تاریخی تعلقات ہیں۔ ہم ہمسایہ ممالک سے اچھے تعلقات چاہتے ہیں۔امریکا مختلف
شعبوں میں تعاون سے متعلق پاکستان کا دیرینہ شراکت دار ہے۔ پاکستان امریکا
کے ساتھ برابری کی بنیاد پر تعلقات چاہتا ہے۔ انہوں نے کہا کہ پاک امریکا
روابط میں کمی کی وجہ سے دونوں ممالک میں مسائل نے جنم لیا۔
بلاول بھٹو
زرداری نے کہا کہ ہمارا فوکس پاکستان کے مفاد کو آگے رکھنا ہے۔ میری امریکی
سیکرٹری خارجہ سے بھی اہم امور پر بات ہوئی ہے۔ پاکستان اور امریکا نے
کئی مشترکہ اہداف حاصل کیے ہیں۔
بلاول بھٹو زرداری کا کہنا تھا کہ ہم
کوشش کریں گے کہ پاکستان بھی ایف اے ٹی ایف کے نظام کا حصہ بنے۔ پاکستان نے
وقت سے پہلے ایف اے ٹی ایف کے ٹارگٹ حاصل کیے۔ ڈو مور، ڈومو ر ،دہشت گردی
کےخلاف جنگ، یہ سلسلہ ختم ہوگیا ، اب نیامرحلہ ہے۔
انہوں نے کہا کہ
پہلے بھی کہا تھا کہ ہم ایڈ نہیں ٹریڈ چاہتے ہیں ،اب بھی اسی مؤقف پر قائم
ہیں۔ فوڈ سکیورٹی کانفرنس کی سائیڈ لائن پر امریکی وفد سے ملاقات ہوئی۔
جوممالک پاکستان کو گرے لسٹ میں ڈالنا چاہتے تھے ، انہوں نے نکالنے کا
مشورہ دیا۔