Feb 08, 2017 04:32 pm
views : 940
Location : Bhikki Power Plant
Sheikhupura- PM Nawaz inaugurates 1180MW Bhikki Power Plant
شیخوپورہ ،محنت کا پھل ملنے پر فیتہ کاٹیں تو مخالفین برداشت کریں، نواز شر یف
وزیراعظم نواز شریف کا کہنا تھا کہ خوشی ہے ہماری محنت رنگ لارہی
ہے اور ہمیں پھل ملنے کی خوشی ہے لہذا اگر فیتہ نہیں کاٹیں گے تو کیا کریں
گے۔
شیخوپورہ میں بھکھی تھرمل پاورپلانٹ کے معائنے کے بعد تقریب سے خطاب کرتے
ہوئے وزیراعظم نواز شریف کا کہنا تھا کہ خوشی کا موقع ہے کہ ہماری محنت رنگ
لارہی ہے، بھبکھی پاور پلانٹ کا 84 فیصد کام مکمل ہوچکا ہے اور اس کے ساتھ
ساتھ توانائی کے بہت سے منصوبے پایا تکمیل تک پہنچادیے ہیں، پاکستان میں
تیزی سے ترقی کے منصوبوں پر کام ہورہا ہے اور دنیا میں ایسے منصوبوں کی
مثال دی جائی گی۔
وزیراعظم نواز شریف نے کہا کہ گوادر میں کام ہورہا ہے، بلوچستان میں تیزی سے ترقیاتی
کام ہورہے ہیں، دہشت گردی میں کمی آئی ہے، پاکستان تیزی سے ترقی کررہا ہے
اور یہ ہم نہیں بلکہ دنیا کہہ رہی ہے، 2013 سے پہلے یہاں لوڈشیڈنگ اور
دہشت گردی تھی، پاکستان کے ناکام ریاست بننے کی باتیں ہورہی تھیں لیکن ہم
نے ناممکن کو ممکن بنایا۔
وزیراعظم نواز شریف نے کہا کہ خوشی ہے ہماری محنت رنگ لارہی ہے، ہمیں پھل
ملنے کی خوشی ہے لہذا اگر فیتہ نہیں کاٹیں گے تو کیا کریں گے، ہم فیتہ
کاٹتے ہیں تو آپ کم از کم برداشت کرلیں۔ انہوں نے کہا کہ مخالفین سازشیں
چھوڑدیں اور آگے بڑھنے میں ہمارا ساتھ دیں کیونکہ ملک آگے بڑھے گا تو
ترقی کرے گا لہذا سب کو مل کر پاکستان کو آگے بڑھانے میں مدد کرنی چاہیے۔
وزیراعظم نواز شریف نے کہا کہ ایک وہ لوگ ہیں جو پاکستان کو لوڈشیڈنگ میں دھکیل کر
چلے گئے ہیں اور ہم صرف آج نہیں بلکہ مستقل کا بھی سوچ رہے ہیں، 99 میں
ضرورت سے زیادہ بجلی تھی اور جب 2013 میں حکومت میں آئے تو گھنٹوں گھنٹوں
کی لوڈشیڈنگ تھی لیکن آج اس میں کمی آئی ہے۔
وزیراعظم نواز شریف کا مز ید کہنا تھا کہ آئندہ برس لوڈشیڈنگ ختم
ہوجائے گی، ہمارا ہدف صرف لوڈشیڈنگ کو ختم کرنا نہیں بلکہ اس کو سستا کرنا
بھی ہے۔