Feb 08, 2017 03:16 pm
views : 960
Location : Fleet Headquarter
Karachi- Commandor Pakistan Fleet Admiral Arif Ullah Hussaini
کراچی ، اگر بھارت ہماری سمندری حدود میں جارحانہ عزائم لے کر آئے گا تو بچ کر نہیں جاسکتا، ایڈمرل عارف اللہ حسینی
کراچی میں 10 فروری سے پاکستان کے ساتھ 38 ممالک کی بحری امن مشقوں کا
آغاز ہورہا ہے جس میں ملکی تاریخ میں پہلی بار روس بھی شامل ہوگا۔
کراچی میں میڈیا بریفنگ کے دوران کمانڈر پاکستان فلیٹ وائس ایڈمرل عارف
اللہ حسینی نے کہا ہے کہ 10 فروری سے شروع ہونے والی 5 روزہ بحری امن مشقوں
میں چین، امریکا، سعودی عرب اور ایران سمیت 36 سے زائد ممالک شرکت کریں گے
اور ان مشقوں میں پہلی بار روس کا بحری بیڑا اور فورس بھی شریک ہوگی، بحری
مشقوں کے دوران عالمی میری ٹائم کانفرنس بھی ہوگی۔ جس میں شرکت کے لئے 70
سے زائد ممالک کے مندوبین کو دعوت دی گئی ہے۔
کمانڈر پاکستان فلیٹ ایڈمرل عارف اللہ حسینی نے کہا کہ بحری امن مشقیں کسی
ملک کے خلاف نہیں بلکہ اس کا مقصد ضرورت پڑنے پر ایک دوسرے کی مدد کرنا ہے،
انہوں نے کہا کہ بھارت کا عمل ہمیشہ سے پاکستان کے خلاف جارحانہ رہا ہے
لیکن ہم ایک مضبوط قوم ہیں اور سمندر پر حاوی بھی۔
کمانڈر پاکستان فلیٹ وائس ایڈمرل عارف اللہ حسینی کا مزید کہنا تھا اگر
بھارت ہماری سمندری حدود میں جارحانہ عزائم لے کر آئے گا تو بچ کر نہیں
جاسکتا۔