Feb 03, 2017 01:27 pm
views : 873
Location : CM Secretariat
Lahore- CM Punjab Shahbaz Sharif chairs meeting about Health
لاہور،وزیراعلیٰ پنجاب محمد شہباز شریف کی زیرصدارت 3گھنٹے طویل اجلاس
لاہو رمیں وزیراعلیٰ پنجاب محمد شہباز شریف کی زیرصدارت 3گھنٹے طویل اجلاس
ہوا۔اجلا س میں صوبے کے تحصیل و ضلعی ہیڈ کوارٹرزہسپتالوں کی اپ
گریڈیشن،تنظیم نواورایمرجنسیزکو میں علاج معالجے کی بہترین سہولتوں کی
فراہمی کے پروگرام کا جائزہ لیاگیا۔صوبے کے125تحصیل و ضلعی
ہیڈکوارٹرزہسپتالوں کی ایمرجنسیز کو مارچ2018ء تک اپ گریڈ کرنے کا فیصلہ
بھی کیا گیا۔
وزیراعلیٰ پنجاب محمد شہباز شریف کا کہنا تھا کہ پہلے مرحلے میں رواں سال
جون تک 40تحصیل و ضلعی ہیڈکوارٹرز ہسپتالوں کی ایمرجنسیزکواپ گریڈ کیا جائے
گا۔ایمرجنسیزکی اپ گریڈیشن سے مریضوں کو بہترین طبی سہولتیں میسر آئیں
گی۔ایمرجنسیز کی اپ گریڈیشن،تنظیم نواوربحالی کے پروگرام کیلئے علیحدہ خود
مختار ادارہ بنایاجائے گا۔
وزیراعلیٰ پنجاب محمد شہباز شریف کا کہنا تھا کہ ایمرجنسیز میں مشینری
اورآلات کو سٹی سکین مشینوں کی طرح آؤٹ سورس کیا جائے گا۔مشینری اور آلات
کو وہی کمپنیاں چلائیں گی جو یہ فراہم کریں گی۔ایمرجنسیز میں تعینات
ڈاکٹروں اورعملے کو خصوصی پیکیج دیں گے۔مریضوں کو بہترین علاج کی فراہمی
یقینی بنانے کیلئے ایمرجنسیز کو اپ گریڈ کرنے کیلئے پیٹ کاٹ کر وسائل دیں
گے۔
وزیراعلیٰ پنجاب محمد شہباز شریف کا کہنا تھا کہ ایمرجنسیزکی اپ گریڈیشن
کیلئے روایتی نظام کوتوڑ کرانفرادیت اورجدت کے ساتھ آگے بڑھنا ہوگا۔شام
اوررات کی شفٹ میں کام کرنے والے ڈاکٹرز اورعملے کواضافی الاؤنس دیں گے۔اس
ضمن میں محکمہ صحت جلد حتمی سفارشات تیار کر کے پیش کرے۔ایمبولینسز کے نظام
کو بہترین بنانے کیلئے کام کا آغاز کردیاگیا ہے۔
وزیراعلیٰ پنجاب محمد شہباز شریف کا کہنا تھا کہ ہسپتالوں میں ایمبولینسز
کا نظام اب ریسکیو1122چلائے گا۔محکمہ صحت کی ایمبولینسز ریسکیو1122کے حوالے
کردی گئی ہیں۔مریضوں کیلئے نئی ایمبولینسز بھی خریدی جارہی ہیں۔نئے خریدے
جانیوالے موبائل ہسپتالوں کو موبائل ایمرجنسیز کے طورپراستعمال کرنے کاپلان
مرتب کیا جائے۔
وزیراعلیٰ پنجاب محمد شہباز شریف کا کہنا تھا کہ اس اقدام سے دوردراز کے
علاقوں میں مریضوں کو ایمرجنسیزکی صورت میں سہولت میسر آئے گی۔پبلک
پرائیویٹ پارنٹرشپ کے تحت ہسپتال کو چلانے کے حوالے سے فوری اقدامات کیے
جائیں۔اس ضمن میں بیرون ملک روڈ شوز کا انعقاد بھی کیا جا ئے۔
وزیراعلیٰ پنجاب محمد شہباز شریف کا کہنا تھا کہ میں عام آدمی کوعلاج
معالجے کی بہترین سہولتیں فراہم کرنے کیلئے جنگ کررہا ہوں۔اس حوالے سے بڑے
چیلنجز ہیں لیکن میرا عزم اس بلند ہیں۔طبی سہولتوں کا معیار عوام کی توقعات
کے مطابق نہ ہونے تک میری جنگ جاری رہے گی۔
وزیراعلیٰ پنجاب محمد شہباز شریف کا کہنا تھا کہ کابینہ کمیٹی برائے صحت کو
مزید مالی و انتظامی خود مختاری دی جائے گی۔اس فیصلے سے کابینہ کمیٹی کو
ازخود اقدامات کرنے میں مزید آسانی پیدا ہوگی۔مریضوں کو خدمات کی فراہمی
یقینی بنانے کیلئے مانٹیرنگ سنٹربھی بنایا جائے گا۔
وزیراعلیٰ پنجاب محمد شہباز شریف نے ہسپتالوں کیلئے مزید نرسوں اور پروفیشنلز بھرتی کرنے کی منظور ی دے دی۔
وزیراعلیٰ پنجاب محمد شہباز شریف کا مزید کہنا تھا کہ ایمرجنسیز کو اپ گریڈ
کرنے کیساتھ وہاں بہترین ڈاکٹرز اورپیرا میڈیکل سٹاف کی تعیناتی ہونی
چاہیے۔عام آدمی کو ہسپتال میں معیاری طبی سہولتوں کی فراہمی کیلئے بہترین
ہیومن ریسورس انتہائی ضروری ہے۔
اجلاس میں صوبائی وزیرسلمان رفیق، چیف سیکرٹری،ایڈیشنل چیف سیکرٹری،سینئر
ممبر بورڈ آف ریونیو،سیکرٹری خزانہ،سیکرٹری سپیشلائزڈ ہیلتھ کےئر اینڈ
میڈیکل ایجوکیشن،سیکرٹری پرائمری و سکینڈری ہیلتھ ،وائس چانسلر کنگ ایڈورڈ
میڈیکل یونیورسٹی اورمتعلقہ حکام نے شرکت کی۔
چیئرمین منصوبہ بندی و ترقیات اپنے دفتر سے ویڈیو لنک کے ذریعے اجلاس میں شریک ہوئے۔