Jan 24, 2017 02:34 pm
views : 932
Location : Domestic Place
Islamabad- President Mamnoon Hussain Addresses
اسلام
آباد،
نظام تعلیم کو جدید تر بنانے کے ساتھ قومی مقاصد سے ہم آہنگ بھی
رکھا جائے، صدر مملکت
صدر مملکت ممنون حسین کا کہنا ہے کہ تعلیم کا مقصد نسل نو کی ایسی تربیت
ہے، جس کی مدد سے وہ اپنی بہترین صلاحیتوں کے ساتھ ملک وقوم کی خدمت
کرسکیں۔ تجربہ بتاتا ہے دنیا میں ان قوموں نے ہی ترقی کی جنہوں نے اپنی
بچوں کی تربیت میں اپنے قومی مقاصد کو پیش نظر رکھا۔
اسلام آباد میں منعقدہ قومی کانفرنس سے خطاب کے دوران صدر مملکت ممنون حسین
کا مزید کہنا تھا کہ اب سے چند دہائی قبل طالبعلموں کو قومی اور عالمی
تاریخ اپنوں اور غیروں کے مشاہیر اور اپنی معاشرتی اقدار سے پوری طرح آگاہ
کیا جاتا تھا لیکن رفتہ رفتہ اس میں بگاڑ آتا چلا گیا اور ہمارے بچوں کی
معلومات اپنی تاریخ، جغرافیہ، اقدار اور نظام حیات کے بارے میں کم سے کم
ہوتی چلی گئیں۔ اسی طرح کی صورتحال ہوتی ہے جس میں معاشرے غیر ملکی ثقافتی
وسیاسی یلغار کے سامنے بے بس ہوجاتے ہیں اس لئے ضروری ہے کہ پاکستان کے
نظام تعلیم کو جدید سے جدید تر بنانے کے ساتھ قومی مقاصد سے ہم آہنگ بھی
رکھا جائے۔ اس سلسلے میں میری تجویز پر وزیر اعظم نے وزیر تعلیم انجینئر
بلیغ الرحمن کی قیادت میں ایک کمیٹی قائم کی تھی میں توقع رکھتا ہوں جلد ہی
اس کے اچھے نتائج برآمد ہوں گے۔ کمیٹی میں چاروں صوبوں کے ماہرین تعلیم کو
شریک کیا گیا ہے۔ میں چاہوں گا کہ اس سلسلے میں کمیٹی سے تعاون کیا جائے
اور تجاویز اور تجربے سے آگاہ کیا جائے یہ قومی فریضہ ہے جس میں حصہ لے کر
اپنی آئندہ نسلوں کی بہترین تعلیم وتربیت کا ذریعہ بنا جاسکتا ہے۔
صدر مملکت کا مزید کہنا تھا کہ کئی مرتبہ ہم نے اپنی تاریخ میں دیکھا ہے کہ
بہت سے فیصلے ہم نے بغیر غور وفکر جلدی میں کئے۔ مجھے یاد ہے کہ 70ء کی
دہائی کے اوائل میں ہمارے یہاں تعلیم کو نیشنلائز کرنے کا فیصلہ بہت جلدی
میں کیا گیا اس کیلئے تیاری بھی نہیں تھی جس کا بہت نقصان برداشت کرنا پڑا۔