Jan 23, 2017 04:20 pm
views : 822
Location : Supreme Court of Pakistan
Islamabad- Chairman PTI Imran Khan Media Talk
اسلام آباد،پاناما کیس میں قوم سوالوں کے جواب چاہتی ہے،عمران خان
چیئر مین پاکستان تحریک انصاف عمران خان کا کہنا تھا کہ پاناما کیس میں قوم سوالات کے
جواب چاہتی ہے لیکن ثبوتوں کے بجائے ایک کے بعد ایک جھوٹ بولا جارہا ہے۔
سپریم کورٹ کے باہر میڈیا سے بات چیت میں چیئر مین پاکستان تحریک انصاف عمران خان کا کہنا تھا کہ (ن) لیگ ثبوتوں کے بجائے بحث میں پڑ گئی ہے،
دستاویزات سے ثابت ہوگیا کہ مریم نواز لندن فلیٹ کی اصل مالک ہیں لہذا قطری
شہزادے کا خط فراڈ ہے کیونکہ خط کہتا ہے کہ مے فئیر اپارٹمنٹ حسین نواز کے
ہیں لہذا خط غلط ثابت ہونے کے بعد ان کی منی ٹریل ختم ہوگئی۔
چیئر مین پاکستان تحریک انصاف عمران خان نے کہا
کہ نواز شریف نے پارلیمنٹ میں کہا ہمارے پاس منی ٹریل کے سارے ثبوت ہیں
تاہم ان کا سارا کیس تباہی کی طرف جارہا ہے۔
چیئر مین پاکستان تحریک انصاف عمران خان نے کہا کہ اگر شریف خاندان سچا ہے تو آئی سی آئی جے اور بی بی
سی کو عدالت میں لیکر جائے، انہوں نے جھوٹ بولا کے بی بی سی پر تحقیقات
ہورہی ہیں جب کہ یہ میری تعریفیں کرنے کے بجائے آئی سی آئی جے کو نوٹس
بھجوائیں، یہ خبریں میں نے ایجاد نہیں کیں یہ لوگ پکڑے گئے ہیں اور ان کی
پکڑ اوپر جو امپائر ہے اس کی پکڑ ہے۔
چیئر مین پاکستان تحریک انصاف عمران خان نے مزید کہا کہ پاناما کیس میں قوم
سوالوں کے جواب چاہتی ہے کیونکہ گزشتہ 9 مہینے سے ہم دیکھ رہے ہیں کہ ایک
کے بعد ایک جھوٹ بولا جارہا ہے اور ساری قوم کو انہوں نے یہاں پھنسایا ہوا
ہے لہذا سچ بولیں۔