Jan 13, 2017 03:02 pm
views : 865
Location : Supreme Court of Pakistan
Islamabad- Chairman PTI Imran Khan Media Talk
اسلام آباد ،3 ماہ کیلیے نیب میرے حوالے کردیں بڑے چوروں کو پکڑ کر دکھاؤں گا، عمران خان
چئیرمین تحریک انصاف عمران خان کا کہنا تھا کہ ہزاروں کی چوری والے جیلوں
میں جب کہ اربوں کی چوری والے باہر ہیں اور 3 ماہ کے لیے نیب مجھے مل جائے
تو بڑے بڑے چوروں کو پکڑ کر دکھاؤں گا۔
سپریم کورٹ کے باہر میڈیا سے بات کرتے ہوئے چیئرمین پا کستان تحر یک انصاف
عمران خان کا کہنا تھا کہ وزیراعظم نے خود کہا کہ ان کے پاس تمام ثبوت ہیں
لیکن عدالت میں معلوم ہوا کہ ان کے پاس کوئی ثبوت نہیں لہذا وزیراعظم عدالت
سے بھاگ رہے ہیں، جمہوریت میں وزیراعظم جوابدہ ہوتا ہے آمر جوابدہ نہیں
ہوتا لہذا وزیراعظم الزامات کا جواب دے رہے ہیں احسان نہیں کررہے۔
چیئرمین پا کستان تحر یک انصاف عمران خان کا کہنا تھا کہ (ن) لیگ والے
عدالت سے ڈرے ہوئے ہیں اور آج یہ لوگ عدالت سے بھاگ رہے ہیں، وزیراعظم کے
وکیل بہانے ڈھونڈ رہے ہیں جب کہ ان کے دلائل سے لگتا ہے کہ ملک میں صادق و
امین ڈھونڈنا مشکل ہے۔
چیئرمین پا کستان تحر یک انصاف عمران خان نے کہا کہ شریف فیملی نے کبھی
نہیں بتایا کہ مے فئیر فلیٹس ان کے ہیں، مریم نواز کے بینیفشری مالک ہونے
کی کوئی بات ہی نہیں کر رہا لیکن آئی سی آئی جے کہہ چکی ہے کہ مریم نواز
بینیفشری مالک ہیں جب کہ وزیراعظم کو معلوم ہی نہیں کہ بچے ارب پتی بن گئے۔
چیئرمین پا کستان تحر یک انصاف عمران خان نے کہا کہ ابھی تک کوئی منی ٹریل
سامنے نہیں آئی لیکن سب جگہ موجود ہے کہ انہوں نے منی لانڈرنگ کی ہے اور 4
جگہ واضح ہے تاہم ایسا لگتا ہے کہ وزیراعظم کی چوری کے لیے 4 عینی شاہد
گواہ ہونے ضروری ہیں جب کہ میں نے سنا ہے نیا قطری خط آرہا ہے،آگے چل کر
قطری خط اور التوفیق پر بھی بات ہوگی۔
چیئرمین پا کستان تحر یک انصاف عمران خان نے کہا کہ پاکستان کے لیے یہ
فیصلہ کن وقت ہے، پاناما پیپرز میں جس جس کا نام آیا ان سب جواب دیا،
امریکی صدر کلنٹن جھوٹ بولنے پر مستعفی ہوئے لیکن وزیراعظم تکنیکی باتوں کے
پیچھے چھپ رہے ہیں، ان کی بد قسمتی ہے کہ یہ پاناما پیپرز میں پھنس گئے
ہیں۔
چیئرمین پا کستان تحر یک انصاف عمران خان کا مزیدکہنا تھا کہ نیب خود کہتی
ہے کہ روزانہ ملک میں 12 ارب روپے کی کرپشن ہوتی ہے لیکن ہزاروں کی چوری
والے جیلوں میں پڑے ہیں اور اربوں کی چوری والے باہر ہیں لہذا وزیراعظم کو
تبدیل کردیں سب ٹھیک ہوجائے گا جب کہ 3 ماہ کے لیے نیب مجھے مل جائے تو بڑے
بڑے چوروں کو پکڑ کر دکھاؤں گا۔