لاہور، وزیراعلیٰ پنجاب محمد شہباز شریف کی زیر صدارت اجلاس
لاہور میں وزیراعلیٰ پنجاب محمد شہباز شریف کی زیر صدارت اجلاس ہوا۔اجلاس
میں خواتین کو با اختیار بنانے، ان کے حقوق کے تحفظ اور انہیں ہنر مند
بنانے کے حوالے سے اقدامات کا جائزہ لیا گیا۔
اس موقع پر وزیراعلیٰ پنجاب محمد شہباز شریف کاکہناتھا کہ پاکستان کی
خواتین انتہائی با صلاحیت اور ذہین ہیں۔ پاکستانی خواتین نے اقوام عالم میں
اپنی صلاحیتوں کے ذریعے نام کمایا ہے۔ پنجاب حکومت نے خواتین کو با اختیار
بنانے اور ان کے حقوق کے تحفظ کیلئے بے مثال اقدامات کئے ہیں۔
وزیراعلیٰ پنجاب محمد شہباز شریف کاکہناتھا کہ خواتین کے خلاف تشدد کی روک
تھام اور ان کے وراثت کے حق کو یقینی بنانے کیلئے موثر قانون سازی کی گئی
ہے۔ سکل ڈویلپمنٹ پروگرام کے تحت ہر سال ہزاروں بچوں اور بچیوں کو ہنر مند
بنایا جا رہا ہے۔ ٹیوٹا کے زیر اہتمام مارکیٹ کی ضروریات کے مطابق بچوں اور
بچیوں کو ٹیکنیکل کورسز کرائے جا رہے ہیں۔
160وزیراعلیٰ پنجاب محمد شہباز شریف کاکہناتھا کہ2018تک بیس لاکھ بچوں کو
ہنر مند بنانے کے ہدف کے حصول کی جانب بڑھ رہے ہیں۔نوجوانوں کو با اختیار
بنانے کیلئے اربوں روپے کے پروگراموں کو کامیابی سے آگے بڑھایا جا رہا
ہے۔خصوصی بچوں کی فنی تعلیم و تربیت کیلئے شاندار ادارے کا قیام وقت کی
ضرورت ہے۔
160وزیراعلیٰ پنجاب محمد شہباز شریف کا مزیدکہناتھا کہ اس ضمن میں سٹیٹ آف
دی آرٹ ادارہ بنانے کیلئے اقدامات کر رہی ہے۔ منیبہ مزاری اور ان جیسی دیگر
باہمت اور باصلاحیت خواتین کا معاشرے کی تعمیر و ترقی میں کردار لائق
تحسین ہے۔
اس موقع پر سوشل ورکر منیبہ مزاری کا کہناتھا کہ شہباز شریف کی قیادت میں
پنجاب حکومت خواتین کو بااختیار بنانے کیلئے شاندار کام کر رہی ہے۔ خواتین
کی ترقی اور خصوصی بچوں کی فلاح کیلئے پنجاب حکومت کے ساتھ ملکر کام کرنا
میرے لئے باعث اعزاز ہو گا۔
صوبائی وزیر ترقی خواتین حمید وحید الدین ، سوشل ورکر منیبہ مزاری ، ممبر
یو این ہائی لیول پینل برائے ہیومن اکنامک ان پاورمنٹ فضہ فرحان ، سپیشل
مانیٹرنگ یونٹ کے سلمان صوفی ، چیئرمین ٹیوٹا اور متعلقہ حکام نے اجلاس میں
شرکت کی۔