Jun 06, 2022 06:10 pm
views : 463
Location : Domestic Place
Islamabad- Pakistan has met all the targets to return to the white list from FATF's gray list
اسلام آباد، پاکستان کے فیٹف کی گرے لسٹ سے نکلنے کے امکانات روشن،پاکستان نے گرے لسٹ سے وائٹ لسٹ میں واپسی کے تمام اہداف پورے کرلیے - وزارت خارجہ نے محتاط حکمت عملی اپنانے کا فیصلہ کرلیا
میڈیا رپورٹ کے مطابق فنانشل ایکشن ٹاسک فورس (ایف اے ٹی ایف)کے اجلاس کیلئے متعلقہ امور کی نگرانی وزارت خارجہ کے سپرد کردی گئی ہے، جس کے بعد وزارت خارجہ نے اس حوالے سے محتاط حکمت عملی اپنانے کا فیصلہ کیا ہے۔
سفارتی ذرائع کا کہنا ہے کہ فیٹف کا 4روزہ اجلاس 13سے 17جون تک برلن میں ہوگا، جس میں پاکستان سے متعلقہ امور 15اور 16جون کو پلینری سیشن میں زیر غور آئیں گے، اجلاس میں پاکستان کی نمائندگی کیلئے حنا ربانی کھر وفد کے ہمراہ برلن جائیں گی۔
ایف اے ٹی ایف کے آئندہ اجلاس سے پاکستان کیلئے اچھی خبر سامنے آنے کا امکان ہے، پاکستان نے گرے لسٹ سے وائٹ لسٹ میں واپسی کے تمام اہداف پورے کرلیے ہیں۔