ملک میں کورونا کی بہتر صورتحال ، این سی او سی کا بڑا فیصلہ- فیس ماسک کا استعمال روکنے کی سفارش کر دی۔کہا شہری کورونا سے بچاو کی ویکسینیشن اور بوسٹر ڈوز کے اہل شہری ویکسین لگوا یں
اسلام آباد : این سی او سی نے کورونا صورتحال میں بہتری کے پیش نظر ماسک کا استعمال روکنے کی سفارش کردی۔
تفصیلات کے مطابق این سی او سی نے کورونا کی بہتر ہوتی صورتحال پر بڑا فیصلہ کرلیا -
میڈیا رپورٹ کے مطا بق این سی او سی نے وفاقی حکومت کو کورونا صورتحال پر سفارشات ارسال کر دیں، مراسلہ وزارت صحت، تعلیم، خارجہ، داخلہ اور مذہبی امور ، وزارت اطلاعات، ریلوے اور سول ایوی ایشن کو بھجوادیا گیا ہے۔
مراسلے میں کہا گیا ہے کہ ماسک استعمال روکنے بارے فیصلہ 28 مارچ کے اجلاس میں ہوا تھا، ملک بھر میں کورونا کی صورتحال مکمل کنٹرول میں ہےاور کورونا کیسز میں نمایاں کمی آ چکی ہے۔
این سی او سی کا کہنا تھا کہ شہری ترجیحی بنیادوں پر کورونا سے بچاو کی ویکسینیشن کرائیں اور بوسٹر ڈوز کے اہل شہری ویکسین لگوا لیں۔
مراسلے کے مطابق موجودہ صورتحال میں ماسک لازمی پہننا ضروری نہیں ہے تاہم شہری بھیڑ والے اور گنجان مقامات پر ماسک پہن سکتے ہیں۔
این سی او سی کی جانب سے مراسلے میں کہا گیا کہ شہری کھانستے، چھینکتے وقت ناک، منہ ڈھانپیں۔