کراچی کنگز کے ڈائریکٹر کرکٹ وسیم اکرم نے کورونا وبا کا شکار ہونے پر خود کو قرنطینہ کر لیا۔
کراچی کنگز کے ڈائریکٹر کرکٹ وسیم اکرم نے کورونا وبا کا شکار ہونے پر خود کو قرنطینہ کر لیا۔
ذرائع کے مطابق وسیم اکرم کا کوویڈ مثبت ٹیسٹ عمان لیجنڈ لیگ سے واپسی پر ہوا، ان کو گزشتہ سال بھی ڈاکٹرز نے ذیابیطس کے باعث ہوٹل میں نہ رہنے کا مشورہ دیا تھا۔عمان لیجنڈ لیگ سے واپسی پر دو افراد کا کورونا پازیٹو آیا جن میں پشاور زلمی کے کامران اکمل بھی شامل ہیں۔
دوسری جانب پی ایس ایل سیون کے لیے ٹیموں نے بھرپور پریکٹس کا آغاز کردیا ہے ، پہلا میچ کراچی کنگز اور ملتان سلطان کے درمیان کھیلا جائے گا۔
لاہور قلندر، پشاور زلمی، ملتان سلطان نے مکمل سکواڈ کے ساتھ فزیکل، بیٹنگ اور بولنگ پریکٹس کی۔ کراچی کنگز اور اسلام آباد یونائٹڈ کی نیشنل سٹیڈیم میں بھرپور پریکٹس جاری ہے، دونوں ٹیموں کو سخت سکیورٹی میں سٹیڈیم پہنچایا گیا۔ پشاور زلمی کے مزید دو کھلاڑی کورونا میں مبتلا ہو گئے، وہاب ریاض اور حیدر علی کا کورونا ٹیسٹ مثبت آیا ہے۔
دوسری جانب کراچی کنگز کے ڈائریکٹر کرکٹ وسیم اکرم کا کورونا ٹیسٹ بھی مثبت آیا ہے۔ ان کا کوویڈ مثبت ٹیسٹ عمان لیجنڈ لیگ سے واپسی پر ہوا۔ گزشتہ سال بھی ڈاکٹرز نے وسیم اکرم کو ذیابیطس کے باعث ہوٹل میں نہ رہنے کا مشورہ دیا تھا۔واضح رہے کہ پی ایس ایل 7 کا آغاز 27 جنوری سے ہونا ہے، ایونٹ ایک ماہ تک جاری رہے گا۔
پاکستان سپر لیگ 7 کا آفیشل ترانہ ریلیز کر دیا گیا جس پر شائقین کی جانب سے ملے جلے ردعمل کا اظہار کیا گیا ہے۔
پی ایس ایل کے آفیشل ہینڈل کی جانب سے آفیشل ترانے کی ویڈیو کو سوشل پلیٹ فارمز پر شیئر کیا گیا تو اسے دیکھنے اور سننے والوں کی بڑی تعداد کہیں اسے سراہتی اور کہیں مایوسی کا اظہار کرتی دکھائی دی۔
عاطف اسلم اور آئمہ بیگ کی پرفارمنس پر تبصرہ کرنے والوں کا موقف تھا کہ عاطف کو ریپر کے طور پر اور آئمہ کو ڈانسر کی حیثیت میں کم کم ہی دیکھنے کو ملتا ہے۔
سوشل پلیٹ فارمز پر جہاں مختلف شائقین نے ’آگے دیکھ‘ کو پیش کرنے والے عاطف اسلم اور آئمہ بیگ کو سراہا تو امید ظاہر کی کہ اسے سٹیڈیم میں سننا اور دیکھنا زیادہ اچھا لگے گا۔