Apr 04, 2017 01:10 pm
views : 922
Location : PAF Base Faisal
Karachi- Azeem Dawood Pota Funeral Prayer
کراچی،65 کی جنگ کے ہیرواور سابق گورنر سندھ ائر مارشل (ر) عظیم داؤد پوتا کی نماز جنازہ ادا کر دی گئی
سابق گورنر سندھ اور 1965ء اور1971ء کے جنگی ہیروائیر مارشل عظیم داؤد
پوتا کراچی میں انتقال کر گئے انکی نماز جنازہ پی اے ایف بیس فیصل میں ادا
کی گئی۔
پاک فضائیہ گہرے دکھ اور رنج کے ساتھ یہ اعلان کیا گیا ہے کہ 1965ء اور
1971ء کی پاک بھارت جنگوں میں کارہائے نمایاں سر انجام دینے والے ائیرمارشل
عظیم داؤد پوتا (ہلالِ امتیاز (ملٹری)، ستارۂ جرأت) مختصر علالت کے بعد آج
کراچی میں انتقال کر گئے۔ آپکی عمر 84برس تھی۔ مرحوم کی نمازِ جنازہ پی اے
ایف بیس فیصل پر ادا کی گئی۔ بعد ازاں انکی تدفین پی اے ایف بیس کورنگی
کریک کراچی کے قبرستان میں کی گئی۔انکی نمازِ جنازہ میں گورنر سندھ ، ائیر
مارشل اسد لودھی ، وائس چیف آف ائیر سٹاف، پاکستان ائیر فورس ،
کورکمانڈرکراچی کے علاوہ اعلیٰ فوجی اور سول عہدیداران نے شرکت کی ۔
پاک فضائیہ کے سربراہ ائیر چیف مارشل سہیل امان نے قومی ہیروائیر مارشل
عظیم داؤد پوتا کی وفات پر گہرے رنج کا اظہار کیا ہے۔ پاک فضائیہ کے سر
براہ نے کہا کہ ایک جری پائلٹ ، top gun، ایک محبِ وطن پاکستانی اور اپنے
پیشہ کے ساتھ مخلص ائیر مارشل عظیم داؤد پوتا نہ صرف پاک فضائیہ کے ائیر
مینوں بلکہ دنیا بھر کے مسلمانوں کے لئے ایک مشعلِ راہ اور قابل تقلید ماڈل
کا درجہ رکھتے تھے۔
ائیر مارشل عظیم داؤد پوتا14ستمبر 1933کو بمبئی (برٹش انڈیا) کے ایک تعلیم
یافتہ خاندان میں پیدا ہوئے۔ 1951میں ڈی جے سائنس کالج کراچی سے اپنی
ابتدائی تعلیم حاصل کرنے کے بعد انہوں نے رائل پاکستان ائیر فورس اکیڈمی
رسالپور میں شمولیت اختیار کی۔ پانچ مہینے کی فوجی تربیت کے بعد انہیں مزید
فضائی تربیت کے لئے آسٹریلیا بھیج دیا گیا۔1955میں پوائنٹ کک میں چار سال
کی پر جوش تربیت کے بعد آپ پاکستان ائیر فورس واپس آئے اور ایک پر عزم
فائٹر پائلٹ کے طور پر اپنا کیرئیر شروع کیا۔
1965ء کی پاک بھارت جنگ کے دوران سکواڈرن لیڈرعظیم داؤد پوتا نے 15براہ
راست حملے اور 5ائیر ڈیفنس مشن کئے جس میں دشمن کی زمینی افواج کی ٹینک ،
گنز اور گاڑیوں کو بھاری نقصان پہنچایا ۔ 21ستمبر 1965کو انکی زندگی کا
یادگار لمحہ تھا جب انکی فارمیشن نے واہگہ اٹاری سیکٹر پر بمباری کر کے
دشمن کی توپوں کو خاموش کروا دیا۔جنگ کے دوران انکی شاندار کارہائے نمایاں
سر انجام دینے پر سکواڈرن لیڈر عظیم داؤد پوتا کو ستارۂ جرأت سے نوازا گیا۔
1983میں زمبابوے کے صدر کی خصوصی درخواست پر ائیر مارشل عظیم داؤد پوتا
ائیر فورس آف زمبابوے کے غیر مقامی کمانڈرمقرر کر دیئے گئے۔ انہوں نے
زمبابوے کی فضائیہ کی تشکیلِ نو کے مشکل چیلنج کی ذمہ داری اٹھائی اور اسے
بہترین طریقے سے سر انجام دیا۔ 1986میں انہیں شاندار خدمات پر زمبابوے کے
صدر رابرٹ موگابے نے اپنے وطن کے دوسرے بڑے اعزاززمبابوے آڈر آف میرٹ سے
نوازا۔