Mar 30, 2017 02:48 pm
views : 842
Location : CM Secretariat
Lahore- CM Punjab Shahbaz Sharif meets Chinese Delegation
لاہور،وزیراعلیٰ پنجاب محمد شہباز شریف سے چائنہ ہیوانگ گروپ کے نائب صدرفین زیزیا کی قیادت میں وفد کی ملاقات
وزیراعلیٰ پنجاب محمد شہباز شریف سے چائنہ ہیوانگ گروپ کے نائب صدرفین
زیزیا کی قیادت میں وفد نے ملاقات کی۔ملاقات کے دوران 1320 میگا واٹ کے
ساہیوال کول پاور پراجیکٹ پر پیشرفت ،کوئلے کی ترسیل اور منصوبے کے آپریشنل
امور پر بات چیت کی گئی۔
ساہیوال کول پاور پراجیکٹ پر ہونے والے کام کی رفتار پر اطمینان کا اظہار
کیا۔منصوبے پر کام کی رفتار مزید تیز کر نے پر اتفاق کیاگیا۔
چینی وفد کی منصوبے کو مقررہ مدت سے پہلے مکمل کرنے کی یقین دہانی بھی کروائی۔
اس موقع پروزیراعلیٰ پنجاب محمد شہباز شریف نے کہا1320میگا واٹ کا ساہیوال
کول پاور پراجیکٹ ان تھک محنت ،رفتار اور معیار کے لحاظ سے اپنی مثال آپ
ہے۔منصوبہ تیز رفتاری سے تکمیل کے نئے ریکارڈ قائم کرے گا۔منصوبے کو مقررہ
مدت سے پہلے مکمل کرنے کے لیے چین کی کمپنی کی کاوشیں لائق تحسین ہیں۔
شہباز شریف نے کہامیں منصوبے پر تیز رفتاری سے کام کرنے پر آپ کی ٹیم کو
مبارکباد دیتا ہوں۔پاکستان اور چین کی دوستی بے مثال ہے۔دونوں ممالک میں
معاشی تعاون اور دو طرفہ تجارت میں اضافہ ہوا ہے۔چائنہ پاکستان اکنامک
کوریڈور کے تحت چین نے پاکستان میں اربوں ڈالر کی سرمایہ کاری کی ہے۔
وزیراعلیٰ پنجاب نے مزید کہاسی پیک کے تحت چین کی پاکستان میں سرمایہ کاری
سچی اورمخلص دوستی کا ثبوت ہے۔پاکستان بھر میں سی پیک کے تحت منصوبو ں پر
تیز رفتاری سے کام جاری ہے۔
نائب صدر چائنہ ہیوانگ گروپ نے کہاشہباز شریف کی قیادت میں پنجاب میں سی
پیک کے منصوبوں پر زبردست انداز میں کام ہو رہا ہے۔شہباز شریف کے ویڑن کے
مطابق ساہیوال کول پاور پراجیکٹ کو مقررہ مدت سے پہلے مکمل کرنے میں کوئی
کسر اٹھا نہ رکھیں گے۔سی پیک سے پاک چین دوستی اور معاشی تعاون کے نئے دور
کا آغاز ہوا ہے۔
فین زیزیا نے مزید کہااپنے دوست ملک پاکستان کے عوام کی سماجی و معاشی حالت
کی بہتری میں تعاون ہماری ذمہ داری ہے۔ساہیوال کول پاور پراجیکٹ سی پیک کا
اہم منصوبہ ہے۔
صوبائی وزیر چوہدری شیر علی ،چیئرمین قائداعظم سولر پاور کمپنی چوہدری عارف
سعید، چیئرمین منصوبہ بندی و ترقیات،سیکرٹری توانائی،جی ایم این ٹی ڈی سی
اور ریلوے کے حکام کے علاوہ چائنہ ہیوانگ گروپ کے اعلی عہدیداران بھی موجود
تھے۔