Mar 15, 2017 08:12 pm
views : 782
Location : National Defence University
Islamabad- Pak-UK Seminar
اسلام آباد ، پاکستان اور برطانیہ کے تحت 2 روزمشترکہ پاک یو کے سیمینار کا انعقاد
پاک فوج کے سربراہ جنرل قمر جاوید باجوہ کا کہنا ہے کہ ماضی میں ہونے والے
آپریشن کا مقصد ملک کو مستحکم کرنا تھا جب کہ آپریشن ردالفساد کا مقصد
آپریشن کے حاصل کی جانے والی کامیابیوں کو مستحکم کرنا ہے۔
پاک فوج کے شعبہ تعلقات عامہ (آئی ایس پی آر) کے مطابق اسلام آباد میں
پاکستان اور برطانیہ کے تحت 2 روزمشترکہ پاک یو کے سیمینار کا انعقاد ہوا،
سیمینار کا عنوان استحکام اور امن کی کوششوں کے تجربات کا تبادلہ تھا
۔سیمینار کے مہمان خصوصی آرمی چیف جنرل قمر جاوید باجوہ تھے۔
آئی ایس پی آر کے مطابق آرمی چیف نے 2007 میں شروع ہونے والےآپریشن کی
اہمیت بیان کی اور دہشت گردی کے خلاف پاکستان کے کردار پرروشنی ڈالی۔
سربراہ پاک فوج جنرل قمر جاوید باجوہ نے سیمینار سے خطاب کرتے ہوئے کہا کہ
2007 میں شروع ہونے والا آپریشن ہی آپریشن ردالفساد میں تبدیل ہوا ماضی میں
شروع کئے جانے والے آپریشن کا مقصد ملک میں امن واستحکام لانا تھا جب کہ
آپریشن ردالفساد کا مقصد ماضی کے آپریشنز سے حاصل ہونے والی کامیابیوں کو
مستحکم کرنا ہے ۔
پاک فوج کے سربراہ کا کہنا تھا کہ دہشت گردی کے خلاف جنگ اور انتہا پسندی
کے خاتمے کے لئے پاکستانی فورسز کی بے پناہ کاوشیں اور قربانیاں ہیں۔
آئی ایس پی آر کے مطابق برطانوی وفد کی قیادت لیفٹیننٹ جنرل پیٹرک سینڈرز
نے کی۔ ان کا کہنا تھا کہ پاک فوج کی قربانیوں نے ناصرف پاکستان کو محفوظ
بنایا بلکہ پوری دنیا کو محفوظ کیا۔