Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Feb 09, 2023 07:35 pm views : 424

Location : Different Places

Islamabad- No Pakistani dead in Turkey, Syria earthquake , FO

ترکیہ یا شام میں زلزلے سے کسی پاکستانی کے زخمی ہونے کی اطلاع نہیں، ترجمان دفتر خارجہ کا کہناہے کہ پاکستان ترکی اور شام کے زلزلہ متاثرین کی ہر ممکن مدد کرے گا ، پاکستانی ناظم الامور کی افغانستان واپسی کا فیصلہ ابھی نہیں ہوا ،

دفتر خارجہ کی ترجمان ممتاز زہرا بلوچ نے کہا ہے کہ وزیر اعظم کے دورہ ترکیہ کے حوالے سے تجویز زیر غور ہے، تاحال حتمی فیصلہ نہیں ہوسکا ، پاکستان کی ریسکیو ٹیمیں بھی ترکیہ میں ریلیف آپریشن میں حصہ لے رہی ہیں، ترکیہ یا شام میں زلزلے سے کسی پاکستانی کے زخمی ہونے کی اطلاع نہیں۔پاکستان ترکی اور شام کے زلزلہ متاثرین کی ہر ممکن مدد کرے گا
ہفتہ وار بریفنگ کے دوران انہوں نے کہا کہ ترکیہ میں 23 پاکستانیوں کو غازی انتپ یونیورسٹی سے عدانا پہنچا دیا گیا ہے، 16 پاکستانیوں کو واپس لایا جائے گاجبکہ باقی استنبول جائیں گے۔
ممتاز زہرا بلوچ نے کہا کہ مقبوضہ کشمیر میں انسانی حقوق کی خلاف ورزیوں کو مسلسل دیکھا جارہا ہے، پاکستان کشمیری بہن بھائیوں کو سیاسی و سفارتی اور اخلاقی امداد دیتا رہے گا۔
ترجمان نے کہا کہ افغانستان سے انٹیلی جنس اور سیکیورٹی امور پر بھی بات جاری ہے، پاکستان نے افغانستان میں علاقائی شراکت داروں کی کانفرنس میں شرکت نہ کرنے کا فیصلہ کیا ہے۔
افغانستان میں پاکستانی سفارت خانے پر حملے میں زخمی ناظم الامور عبید اللہ نظامانی واپس نہیں جاسکے، افغان حکام کے ساتھ پاکستانی سفارت خانے کی سکیورٹی کے معاملے پر بات چیت جاری ہے، ناظم الامور کی واپسی کے حوالے سے ابھی کوئی فیصلہ نہیں ہوا ، اس بارے میں ہم مختلف حوالوں سے غور کر رہے ہیں۔
انہوں نے کہا کہ چیف آف آرمی اسٹاف کے دورہ امریکا کے بارے میں علم نہیں، اس سے متعلق آئی ایس پی آر بہتر بتا سکتا ہے۔
ترجمان نے کہا کہ وزیرِ مملکت خارجہ حنا ربانی کھر نے 3 سے 4 فروری کو سری لنکا کا دورہ کیا ، انہوں نے بتایا کہ حنا ربانی کھر نے سری لنکا کے صدر اور وزیراعظم سے ملاقات کی جس میں تجارت، معیشت اور دفاع کے شعبوں میں باہمی تعاون پر تبادلہ خیال کیا گیا۔
ممتاز زہرا بلوچ نے کہا کہ پاکستان اور ایران کے درمیان مختلف شعبوں میں بات چیت جاری ہے، ماسکو میں ہونے والی کانفرنس میں شرکت نہ کرنے کا فیصلہ کیا ہے ، ممتاز زہرا بلوچ نے کہا کہ سیکرٹری خارجہ ان دنوں اسپین کے دورے پر ہیں اور اب فرانس کا دورہ کریں گے جہاں وہ دوطرفہ تعاون کے معاہدے پر دستخط کریں گے۔