Sep 25, 2021 01:08 pm
views : 290
Location : Domestic Place
Karachi- PTI MPA Dua Bhutto declares secret marriage with Haleem Adil Sheikh
کراچی، حلیم عادل شیخ کی دعا بھٹو سے شادی منظر عام پرآگئی،حلیم عادل شیخ اور تحریک انصاف ہی کی رکن سندھ اسمبلی دعا بھٹو کے ہاں بیٹے کی بھی پیدائش ہوئی ہے
سندھ اسمبلی میں اپوزیشن لیڈر حلیم عادل شیخ کی دعا بھٹو سے شادی منظر عام پرآگئی۔
پاکستان تحریک انصاف کے رہنما حلیم عادل شیخ اور تحریک انصاف ہی کی رکن سندھ اسمبلی دعا بھٹو نے بچے کی پیدائش پر شادی کا اقرار کرلیا۔
بچے کی پیدائش پر دعا بھٹو نے سوشل میڈیا اکاؤنٹ پر اسٹیٹس لگادیا جس میں وہ بچے کو اٹھائے ہوئے ہیں۔ انہوں نے بچے کا نام کامل حلیم عادل شیخ رکھا ہے۔ دعا بھٹو نے واٹس ایپ کی ڈی پی پر بھی بچے کا نام لکھ دیا۔ ماں اور بچہ دونوں خیریت سے ہیں۔
اپوزیشن لیڈر سندھ اسمبلی حلیم عادل شیخ نے بھی دعا بھٹو کے ساتھ شادی کی تصدیق کرتے ہوئے کہا کہ ان کی دعا سے 2018 میں شادی ہوئی تھی۔ انہوں نے کہا کہ یہ میرا ذاتی معاملہ ہے اس سے سیاست کا کوئی تعلق نہیں ہے۔