راولپنڈی، پاکستان اور مصر نے فوجی تعاون کے فروغ پر اتفاق کرلیا، جنرل ندیم رضا کہتے ہیں پاکستان مصرکیساتھ موجودہ فوجی تعاون کو مزید فروغ دینے کا خواہاں ہے
چیئرمین جوائنٹ چیفس آف اسٹاف کمیٹی جنرل ندیم رضا نے مصری صدر جنرل عبدالفتاح السیسی سے ملاقات کی جس میں موجودہ فوجی تعاون کو فروغ دینے پر اتفاق کیا گیا۔
آئی ایس پی آر کے مطابق چیئرمین جوائنٹ چیفس آف اسٹاف کمیٹی جنرل ندیم رضا نے مصر کا دورہ کیا اور مصری صدر جنرل عبدالفتاح السیسی سے ملاقات کی، جس میں فوجی تعاون،سیکیورٹی،انسداددہشت گردی اورعلاقائی صورتحال پربات چیت کی گئی۔
مصری صدر نے پاکستانی مسلح افواج کیلئےنیک جذبات کااظہار کرتے ہوئے دہشت گردی کیخلاف جنگ میں پاکستان کی قربانیوں کااعتراف کیا۔ انہوں نے کہا کہ مصرپاکستان کےساتھ تعلقات کوخصوصی اہمیت دیتاہے۔ جنرل ندیم رضا نے کہا کہ پاکستان مصرکیساتھ موجودہ فوجی تعاون کو مزید فروغ دینے کا خواہاں ہے۔
ندیم رضا نے مصری وزیردفاع اورتینوں مسلح افواج کےسربراہان سے بھی ملاقاتیں کیں اور دفاع اورسیکیورٹی امورپربات چیت کےدوسرےراؤنڈکی قیادت کی۔ جنرل ندیم رضا نے انتہاپسندی کے خاتمے اورعلاقائی استحکام کیلئےپاکستان کےکردارپرروشنی بھی ڈالی۔