May 14, 2021 03:53 pm
views : 303
Location : Domestic Place
Karachi- Pakistan reports 2,517 coronavirus cases, 48 deaths in 24 hours
کراچی، مہلک کورونا وائرس نے مزید اڑتالیس زندگیوں کے چراغ گل کردیئے، گزشتہ چوبیس گھنٹوں کے دوران مزید دو ہزار پانچ سو سترہ نئے مریض سامنے آگئے
کورونا کی تیسری لہر بے قابو، مہلک وائرس مزید اڑتالیس قیمتیں جانیں نگل گیا جس کے بعد ملک بھر میں مجموعی اموات انیس ہزار تین سو چوراسی ہو گئی ہیں۔
نیشنل کمانڈ اینڈ آپریشن سینٹر (این سی او سی) کے مطابق 24 گھنٹے میں 30 ہزار 700 ٹیسٹ کیے گئے جن میں سے 2 ہزار 517 نئے کیسز رپورٹ ہوئے جبکہ 4 ہزار 123 مریض صحت یاب بھی ہوئے ہیں۔ این سی او سی کے مطابق اب تک 8 لاکھ 73 ہزار 220 افراد کورونا سے متاثر ہو چکے ہیں، ملک بھر میں مثبت کیسز کا تناسب 8 اعشاریہ ایک نو فیصد رہا۔
پنجاب میں 3 لاکھ 24 ہزار 106، سندھ 2 لاکھ 96 ہزار364 اور خیبرپختونخوا میں ایک لاکھ 26 ہزار 403 کورونا مریض موجود ہیں، بلوچستان 23 ہزار778 جبکہ گلگت بلتستان میں 5 ہزار 414 کورونا کیسز رپورٹ ہوئے ہیں۔