Aug 21, 2019 03:43 am
views : 315
Location : Domestic place
Chairman PPP Bilawal Bhutto has said that today we have to become the voice of Kashmir and send a clear message.
چیئرمین پیپلز پارٹی بلاول بھٹو نے کہا ہے کہ آج ہم نے مل کر کشمیر کی آواز بننا ہے اور واضح پیغام بھیجنا ہے
بلاول بھٹو زرداری گلگت بلتستان کے ضلع استور میں جلسے سے خطاب کر رہے تھے، انھوں نے کہا کہ بھارت نے ہمارے کشمیری بہن بھائیوں پر تاریخی حملہ کیا، یہ حملہ پوری مسلم امہ اور اقوام متحدہ پر کیا گیا ہے۔
بلاول کا کہنا تھا کہ کشمیر پر کوئی بھی پاکستانی سمجھوتا کرنے کے لیے تیار نہیں، دو دن بعد اپنے جلسے سے مقبوضہ کشمیر کو واضح پیغام دیں گے، ہر پاکستانی کشمیریوں کے شانہ بشانہ کھڑا ہے۔
پی پی چیئرمین نے کہا کہ گلگت بلتستان کو جو بھی حقوق ملے وہ ہماری حکومت نے دیے، آپ اطمینان رکھیں پیپلز پارٹی کی حکومت آنے والی ہے۔
انھوں نے کہا کہ جمہوریت پر یقین نہ رکھنے والے کشمیر کے لیے بھی بات نہیں کر سکتے، ن لیگ کے ساتھ ہمارے نظریاتی اختلافات ہیں، مگر ہماری ثقافت ہے کہ ہم خواتین کی عزت کرتے ہیں، ہمیں ڈرایا نہیں جا سکتا۔
بلاول بھٹو نے کہا کہ ہم شہید ذوالفقار علی بھٹو کے کارکن ہیں، ہماری ذمہ داری ہے کہ ہم کشمیریوں کے لیے آواز بلند کریں۔
پی پی چیئرمین نے مزید کہا آج میں پاکستان کے سب سے خوب صورت علاقے استور میں اپنے کارکنوں کے ساتھ موجود ہوں، میں آپ سے اس رشتے کو جوڑوں گا جو رشتہ آپ کا شہید ذوالفقار علی بھٹو اور شہید بے نظیر کے ساتھ تھا۔