Jul 07, 2019 10:10 pm
views : 311
Location : Central Air Command
Lahore- Air chief awards cash prizes to medal winners of Special Olympics 2019
ایئرچیف مارشل مجاہد انور خان کیجانب اسپیشل اولمپکس میں میڈل حاصل کرنے والوں میں نقد انعامات تقسیم
پاک فضائیہ کے سربراہ ایئرچیف مارشل مجاہد انور خان نے اسپیشل اولمپکس میں میڈل حاصل کرنے والوں میں نقد انعامات تقسیم کیے۔
پاک فضائیہ کے سربراہ ایئر چیف مارشل مجاہد انور خان نے اسپیشل اولمپکس میں تمغے جیتنے والے کھلاڑیوں میں نقد انعامات تقسیم کیے۔ اس سلسلے میں پاک فضائیہ کی سینٹرل ایئر کمانڈ لاہور میں ایک خصوصی تقریب کا انعقاد کیا گیا۔
پاک فضائیہ سے تعلق رکھنے والے چھ خصوصی افراد نے رواں سال کے شروع میں ابو ظہبی میں ہونے والے اسپیشل اولمپکس میں شرکت کی اور مختلف کیٹگریز میں میڈل حاصل کرتے ہوئے وطنِ عزیز کا نام روشن کیا۔
اپنے خطاب کے دوران پاک فضائیہ کے سربراہ نے میڈل جیتنے والوں کو ان کی کامیابی پر مبارکباد دیتے ہوئے ان کی محنت اور عزم کی تعریف کی۔ انہوں نے میڈل حاصل کرنے والوں پر زور دیا کہ وہ مزید محنت کرتے ہوئے اپنے مقام کو بہتر بنائیں اور آئندہ مقابلوں میں وطن عزیز کا پرچم سربلند کریں۔
پاک فضائیہ کے سربراہ نے مزید کہا کہ پاک فضائیہ نے کی نصابی اور غیر نصابی سرگرمیوں کے حوالے سے ان کی فلاح و بہبود کو ہمیشہ فوقیت دی ہے۔
کھیلوں کی مختلف کیٹگریز میں میڈل جیتنے والے کھلاڑیوں میں نقد انعامات تقسیم کیے گئے۔ جن میں عمران غفار (02 طلائی تمغے برائے سائیکلنگ)، محمد عمر (02 چاندی کے تمغے برائے بیڈمنٹن)، یاسر بشیر (01 چاندی کا تمغہ برائے سائیکلنگ)، رضوان طیب (01 کانسی کا تمغہ برائے باسکٹ بال)، فرقان اقبال (01 کانسی کا تمغہ برائے سائیکلنگ) اور سبرینہ توحید (01 کانسی کا تمغہ برائے فٹسل) شامل تھے۔
بعد ازاں پاک فضائیہ کے سربراہ نے خصوصی افراد اور ان کے والدین سے تفصیلی ملاقات کی جس میں انہوں نے اس بات کی یقین دہانی کرائی کہ ان کے مسائل کا ازالہ ترجیحی بنیادوں پر کیا جائے گا۔