May 27, 2019 02:55 pm
views : 324
Location : National Assembly
Islamabad- PML(N)demands Parliamentary Commission regards Chairman NAB Issue
اسلام آباد، چیئرمین نیب کےمعاملے پر پارلیمانی کمیٹی بنائی جائے، خواجہ آصف
ن لیگی
رہنما خواجہ آصف نے کہا ہے کہ چیئرمین نیب کو بلیک میل کرنے کی مہم چلائی
جارہی ہے، اس معاملے پر پارلیمنٹری کمیٹی تشکیل دی جائے۔ وطن عزیز بحرانوں
سے گزر رہا ہے، آئی ایم ایف کے بندے ہماری معشیت پر آکر بیٹھ گئے، اس سے
برا وقت ہماری معشیت پر کبھی نہیں آیا۔ اب پی ٹی آئی نے لیز پر مشیر خزانہ
لے لیا ہے۔ انھوں نے کہا کہ پی ٹی آئی میں بہت سے لوگ عمران خان کی جگہ
لینے کیلئے بیٹھے ہوئے ہیں۔
قومی اسمبلی میں اپنے خطاب میں ن لیگی رہنما
خواجہ آصف کا کہنا تھاکہ کل جو واقعہ پیش آیا اس پر اور نیب کے حوالے سے
بات ہونی چاہیئے، انھوں نے کہا کہ حکومت غیر اداری طور پر ایسے اقدامات
اٹھا رہی ہے جس سے معاشی بحران بڑھ رہا ہے، جو معاشی ٹیم معیشت کو چلا رہی
ہے ان کا پارلیمنٹ سے کوئی تعلق نہیں۔ گزشتہ وزیر خزانہ بڑے تکبر سے بات
کیا کرتےتھے، اب انہیں قائمہ کمیٹی کا چیئرمین بنا دیا گیا ہے۔ حکومت مشیر
خزانہ بھی لائی جو ن لیگ اور پیپلزپارٹی دونوں کا حصہ رہے۔
خواجہ آصف
نے کہا کہ ہماری حکومت میں نیب ترامیم نہیں کی گئی جس کا افسوس ہے، نیب
قانون جس نیت سے بنایا گیا ہم نے اسے بھگتا ہے،8 ماہ پہلے حکومت اور
اپوزیشن کےدرمیان نیب ترامیم سے متعلق رابطہ ہوا جس کے دوران اس وقت حکومت
کی طرف سے کم اور اپوزیشن کی طرف سے زیادہ تجاویز پیش کی گئیں تاہم
عملدرآمد نہ ہو سکا۔