Oct 30, 2017 06:03 pm
views : 570
Location : Election Commision of Pakistan Office
Islamabad- PTI Naeem ul Haque Media Talk
اسلام آباد،رہنما پاکستان تحریک انصاف نعیم الحق کی ذرائع ابلاغ عامہ کے نمائندوں سے گفتگو
پاکستان تحریک انصاف کے ترجمان نعیم الحق نے کہا ہے کہ آصف زرداری اور نواز
شریف کے ہاتھ کرپشن میں رنگے ہوئے ہیں (ن) لیگ کی پوری کوشش ہے کہ کسی
طریقے سے عمران خان کے خلاف کوئی فیصلہ آجائے، اکبر ایس بابر کا پارٹی سے
کوئی تعلق نہیں، سات سال پہلے پارٹی سے نکالے گئے شخص نے الیکشن کمیشن میں
کیس کیا145الیکشن کمیشن سے درخواست ہے، دوسری جماعتوں کے اکائونٹس کی بھی
جانچ پڑتال کی جائے ہم چاہتے ہیں الیکشن کمیشن انصاف کرتا نظر آئے تمام
پارٹیوں کے اکائونٹس کی تفتیش کی جائے۔
الیکشن کمیشن کے باہر ذرائع ابلاغ عامہ کے نمائندوں سے گفتگو کرتے ہوئے
نعیم الحق نے کہا کہ اکبر ایس بابر کا پارٹی سے کوئی تعلق نہیں، سات سال
پہلے پارٹی سے نکالے گئے شخص نے الیکشن کمیشن میں کیس کیا، ہم نے 2010 سے
لے کر 2017تک تمام اکائونٹس کی تفصیلات دے دی ہیں، سات سو صفحوں پر مشتمل
فائلیں الیکشن کمیشن کے حوالے کی ہیں اب الیکشن کمیشن ہماری دستاویزات کا
معائنہ کررہا ہے۔
پی ٹی آئی رہنما نے کہا کہ آج ہم نے ایک درخواست دی ہے جس میں اپیل کی ہے
کہ دوسری بڑی سیاسی جماعتوں جن کے اکائونٹس کی تفتیش نہیں کی گئی ہم نے ان
کی تفصیلات فراہم کی ہیں کیونکہ (ن) لیگ اور پیپلز پارٹی کے اپنے
اکائونٹنٹس نے آڈٹ کرتے ہوئے ان پر شدید اعتراضات کئے ہیں، لاکھوں کروڑوںکا
پتہ نہیں چل رہا، الیکشن کمیشن سے درخواست کرتا ہوں کہ دوسری جماعتوں کے
اکائونٹس کی بھی جانچ پڑتال شروع کریں۔
نعیم الحق نے مزید کہا کہ (ن) لیگ کی پوری کوشش ہے کہ کسی طریقے سے عمران
خان کے خلاف کوئی فیصلہ آجائے۔ تحریک انصاف کے اکائونٹس سب کے سامنے ہیں دو
بڑی سیاسی جماعتوں کے سربراہان آصف زرداری اور نواز شریف کے ہاتھ کرپشن
میں رنگے ہوئے ہیں۔