Oct 16, 2017 02:16 pm
views : 694
Location : PAF Academy Asghar Khan
Islamabad- Wife of Legendary Boxer Muhammad Ali visits PAF Academy
اسلام آباد ، شہرہ آفاق باکسر محمد علی مرحوم کی اہلیہ کا پی اے ایف اکیڈمی اصغر خان کا دورہ
شہرہ آفاق باکسر محمد علی مرحوم کی اہلیہ خلیلہ کماچو علی نے پی اے ایف
اکیڈمی اصغر خان کا دورہ کیا۔ اپنے دورے کے دوران وہ فلائنگ ٹریننگ ونگ بھی
گئیں۔ 830 گھنٹے فلائنگ کا تجربہ رکھنے والی ہواباز کے ناطے انہوں نے
پرائمری فلائنگ ٹریننگ ونگ کے سُپر مشاق جہاز میں بیٹھ کر ایک تربیتی مشن
میں حصہ بھی لیا۔
ترجمان پاک فضائیہ کے مطابق انہوں نے فلائنگ انسٹرکٹرز اور ایوی ایشن کیڈٹس
سے بات کرتے ہوئے اکیڈمی کے فلائنگ انسٹرکٹر ز کی پیشہ وارانہ مہارت اور
اعلی تربیت کی تعریف کی۔
انہوں نے پاک فضائیہ کے سربراہ ائیر چیف مارشل سہیل امان کا خصوصی شکریہ
ادا کیا جنہوں نے انہیں اس عظیم اکیڈمی میں آنے کی دعوت دی اور تربیتی جہاز
میں پرواز کرنے کا موقع فراہم کیا۔
انہوں نے مزید کہا کہ یہ تجربہ ان کی زندگی کے ناقابل فراموش واقعات میں سے
ایک ہے۔قبل ازیں انہوں نے مصحف سکواش کمپلکس میں ہونے والے خواتین کے
سکواش مقابلوں کا فائنل بھی دیکھا۔جہاں انہوں نے پاکستانی خواتین کے لیے
سکواش کی بہترین سہولیات فراہم کرنے کے سلسلے میں پاکستان سکواش فیڈریشن کی
پُر خلوص کاوشوں کو سراہا۔