لاہور، وزیر اعلی پنجاب محمد شہباز شریف کی جانب سے چینی کمپنیوں کے حکام کے اعزاز میں استقبالیہ
لاہور میں وزیر اعلی پنجاب محمد شہباز شریف کی جانب سے چینی کمپنیوں کے حکام کے اعزاز میں استقبالیہ تقریب کا اہتما م کیا گیا۔
نیشنل انرجی ایڈمنسٹریشن چائنہ کے ایڈمنسٹریٹر و وائس چیئرمین این ڈی آر سی
نور بیکری، 1320 میگا واٹ کے ساہیوال کول پاور پراجیکٹ پر کام کرنے والے
چین کے ہیوانگ گروپ کے چیئرمین چاؤپکسی،پاکستان میں چین کے سفیر سن ویڈانگ،
رویائی انرجی گروپ کے چیئرمین کیو یافو اور چینی حکام نے استقبالیہ میں
شرکت کی۔
صوبائی وزراء، اراکین قومی و صوبائی اسمبلی،چیف سیکرٹری اور مختلف محکموں
کے سیکرٹریز اس موقع پر موجود تھے۔پنجاب حکومت اور چین کی کمپنیوں کے مابین
توانائی سیکٹر میں تعاون کی تین مفاہمتی یادداشتوں پر دستخط کیا گیا۔
معاہدے کے تحت ہیوانگ شین ڈانگ پاور جنریشن کمپنی پنجاب حکومت سے رحیم یار
خان میں 1320 میگاواٹ کے کول پاور پلانٹ کا منصوبہ لگانے میں تعاون کرے
گی۔چینی کمپنی اس پلانٹ کے حوالے سے تکنیکی معاونت بھی فراہم کرے گی۔
پنجاب حکومت کی طر ف سے ایڈیشنل چیف سیکرٹری توانائی جہانزیب خان اورشین ڈانگ پاورجنریشن کمپنی چائنہ کے صدر نے معاہدے پر دستحظ کئے۔
پنجاب حکومت اور چین کے شین ڈانگ رویائی گروپ کے مابین فنی تربیت کے ادارے
کے قیام سے کے حوالے سے بھی مفاہمت کی یادداشت پر دستخط کئے گئے۔
پنجاب حکومت کی طرف سے سیکرٹری توانائی اسد الرحمن گیلانی اور شین ڈانگ رویائی گروپ کی طرف سے سونگ تاجی نے دستخط کئے۔
معاہدے کی رو سے چینی کمپنی ساہیوال میں فنی تربیت کاادارہ قائم کرے گی۔ادارے کے قیام سے مقامی نوجوانوں کو فنی تربیت دی جائے گی۔
پنجاب حکومت اور چین کے شین ڈانگ رویائی گروپ کے مابین کارپوریٹ سماجی ذمہ داریوں کے حوالے سے مفاہمت کی یادداشت پر دستخط کئے۔
اس موقع پر وزیر اعلی پنجاب محمد شہباز شریف نے کہاپاکستان اور چین کے
درمیان معاشی تعاون نئی بلندیوں کو چھو رہا ہے۔ چین اور پاکستان کے مابین
اقتصادی تعاون کی نئی راہیں کھل رہی ہیں۔ہر گزرتے لمحے پاکستان اور چین کی
دوستی مضبوط سے مضبوط تر ہو رہی ہے۔
وزیر اعلی نے چینی کمپنیوں کے اعلی حکام کو یادگاری شیلڈز بھی دیں۔