Jul 04, 2017 12:55 pm
views : 720
Location : Gulzar e Hijri
Karachi- Road Cave In
کراچی ،شدید بارش کے بعد پانی کھڑا رہنے سے سڑکیں دھنس گئیں، کئی فٹ کے گڑھے پڑگئے
کراچی میں حالیہ بارشوں کے نتیجے میں شہر کی درجنوں شاہراہیں اور سڑکیں
شدید بارش کے بعد پانی کھڑا رہنے سے دھنس گئیں جبکہ شہر میں مختلف مقامات
پرسڑکوں پر کئی فٹ کے گڑھے پڑگئے ہیں۔
شہر کے مختلف علاقوں میں حال ہی میں تعمیر ہونے والی بعض سڑکیں ناقص مٹیریل
کے استعمال کی وجہ سے دھنس گئیں میریٹ ہوٹل سے وزیراعلیٰ ہاؤس کی طرف آنے
والی سڑک مختلف مقامات پر دھنس گئی ہے میٹروپول ہوٹل سے گورنر ہاؤس کی طرف
جانے والی سڑک بھی بارشوں کے نتیجے میں دھنس گئی ہے ملیر 15 سے ملیرہالٹ کے
درمیان تعمیر کی جانے والی سڑک اور عیسیٰ نگری روڈ کی سڑک بھی مختلف
مقامات پر دھنس گئی جس کی وجہ سے اس سڑک کو چند گھنٹے ٹریفک کے لیے بند
رکھا گیاتھا۔
دوسری جانب شہر کے مختلف علاقوں گلزار ہجری، گلستان جوہر، ناظم آباد،
پہاڑگنج، نارتھ کراچی، اورنگی ٹاؤن، منگھوپیرمنظورکالونی، محمود آباد،
لیاری، لانڈھی، کورنگی،شاہ فیصل کالونی، فیڈرل بی ایریا، گلستان جوہر کی
سڑکیں بھی مختلف مقامات پر دھنس گئی ہیں اور سڑکوں پر کئی کئی فٹ کے گڑھے
پڑگئے ہیں۔
واضح رہے کہ بارشوں سیجہاں سڑکوں کو بارشوں سے شدید نقصان پہنچا ہے وہیں
گڑھے پڑنے سے ٹریفک حادثات بڑھ گئے ہیں جبکہ شہریوں کو بھی شدید مشکلات کا
سامنا کرنا پڑ رہا ہے،شہریوں نے حکومت سے مطالبہ کیا ہے کہ بارشوں سے دھنس
جانے والی اور ٹوٹ پھوٹ کی شکار سڑکوں کی فوری مرمت کی جائے اور تعمیراتی
کاموں میں ناقص مٹیریل استعمال کرنے والوں کے خلاف سخت کارروائی کی جائے۔
اس موقع پر ذرائع ابلاغ عامہ کے نمائندے سے گفتگو کرتے ہوئے ایک شہری ذیشان
نے بتایا کہ گلزار ہجری کے علاقے میں اسکی دکان کے سامنے کا حصہ زمین میں
دھنس گیا ہے جبکہ لاکھوں روپے مالیت کی مشینری بھی ناکارہ ہوگئی ہے۔
ایک اور شہری عبدللہ نے کہا کہ بارش کی وجہ سے زمین بیٹھ گئی جس ہمیں بہت نقصان کا سامنا کرنا پڑا۔