Jun 17, 2017 06:02 pm
views : 811
Location : Federal Judicial Academy
Islamabad- CM Punjab Shahbaz Sharif Media Talk
اسلام آباد، وزیر اعظم نواز شریف اور میں نے پیش ہوکر قانون کی حکمرانی کی حقیر خدمت کی، شہبازشریف
وزیراعلیٰ پنجاب شہبازشریف کا کہنا ہے کہ وزیراعظم اور انہوں نے جے آئی ٹی
میں پیش ہو کر بتادیا کہ اقتدار پر شب خون مارنے والوں اور جمہوری لوگوں
میں کیا فرق ہے۔
اسلام آباد میں جے آئی ٹی کے سامنے پیش ہونے کے بعدجوڈیشل اکیڈمی کےباہر
میڈیا سے بات کرتے ہوئے شہبازشریف نے کہا کہ ہم عدالتوں اورقانون کا احترام
کرتے ہیں، جے آئی ٹی نے انہیں پیشی کا نوٹس بجھوایا تھا، انہوں نے جے آئی
ٹی کے سامنے اپنا بیان ریکارڈ کرادیا ہے۔ وزیراعظم پاکستان بھی اسی جے آئی
ٹی کے سامنے پیش ہوئے تھے۔ وزیر اعظم نواز شریف اور میں نے پیش ہوکر قانون
کی حکمرانی کی حقیر خدمت کی اور عقل اور عاجزی سے اپنا موقف پیش کیا۔
شہبازشریف نے پرویزمشرف کا نام لیے بغیر تنقید کا نشانہ بناتے ہوئے کہا کہ
جے آئی ٹی میں پیش ہوکر بتادیا کہ اقتدار پر شب خون مارنے والوں اورجمہوری
لوگوں میں کیا فرق ہے۔ فوجی آمر کا عدالت اور قانون سے متعلق رویہ لوگوں نے
دیکھا ہے، اس سے ثابت ہوا ہم منتخب سیاستدانوں کے دلوں میں قانون کا بڑا
احترام ہے۔ انہیں کافی عرصے سے کمر کی تکلیف ہے لیکن اس کا بہانہ نہیں
بنایا، اس وجہ سے راولپنڈی کے ادارے میں داخل نہیں ہوئے۔ اتفاق فاونڈری کو
ان کے والد اوربھائیوں نے کسی اثررسوخ سے عروج نہیں دیا تھا بلکہ محنت کی
تھی، ہمیں ایسے باپ کے بیٹے ہونے پر فخر ہے جس کو لوگ امانت اور دیانت کا
امین جانتے ہیں۔
وزیراعلیٰ پنجاب نے کہا کہ شریف خاندان کا احتساب پہلی بارنہیں ہو رہا،
ہمارا پہلا احتساب ذوالفقار علی بھٹو، دوسرا اور تیسرا بینظیر بھٹو جب کہ
چوتھا احتساب پرویز مشرف دور میں ہوا، اب ہمارا پانچواں احتساب ہو رہا ہے،
یہ احتساب کسی سرکاری خردبرد کا یا کرپشن کا نہیں ہورہا ہے، ہر احتساب میں
ہمارے ذاتی کاروبار کو نشانہ بنایا گیا۔ وزیراعلیٰ پنجاب شہبازشریف نے مزید
کہا کہ بینظیر دور میں ہمارے خاندان کے کاروبار کو تباہ کرنے کی کوئی کسر
نہیں چھوڑی گئی، پانچوں احتساب میں آج تک ہمارے خلاف کوئی کرپشن کا کیس
نہیں۔ ہم نے قرضوں کی واپسی میں رعایت لی نہ معاف کرائے، اتفاق فاونڈری نے
بینکوں کے پونے 6 ارب روپے ادا کئے۔ آج اگرکسی یتیم کو تعلیم نہیں ملتی تو
وہ ماضی کی کرپشن کی بدولت ہے۔