Jun 08, 2017 04:40 pm
views : 694
Location : Pakistan Navy Dockyard
Karachi- Pakistan Navy celebrates World Ocean Day 2017
کراچی ، پاکستان نیوی میں آج سمندروں کا عالمی دن نہایت جوش و جذبے کے ساتھ منایا گیا
سمندر وں کی اہمیت کو اجاگر کرنے اور سمندروں کے تحفظ اور بقاء سے متعلق
پاک بحریہ کے افسروں اور جوانو ں میں آگاہی پیدا کرنے کے لیے پاکستان نیوی
میں آج سمندروں کا عالمی دن نہایت جوش و جذبے کے ساتھ منایا گیا۔
ترجمان پا ک بحریہ کے مطابق سمندروں کا عالمی دن ہر سال آج ہی کے روز
اقوامِ متحدہ کی زیر سرپرستی ساری دنیا میں منایا جاتا ہے جس کا مقصد
سمندروں کی اہمیت کے حوالے سے شعور اجاگر کرنا خصوصاََسمندروں اور سمندری
وسائل کے بہترین استعمال سے متعلق آگاہی پیدا کرنا ہے۔ سطح زمین کے
تقریباََ دو تہائی رقبے پر سمندر پھیلے ہوئے ہیں جن پر زمینی حیات کی بنیا د
قائم ہے۔ آج کے دن کی مناسبت سے اس سال جو موضوع منتخب کیا گیا تھا اس کا
عنوان ہے مارا سمندر۔ ہمارا مستقبل جس کا مقصد اس حقیقت پر روشنی
ڈالنا کہ زمینی حیات سمندروں پر منحصر ہے اور صاف شفاف سمندر ، سمندری حیات
اور کرۂ ارض پر بسنے والے کروڑوں انسانوں کے لیے نہایت اہم ہیں۔
پاکستان نیوی نے ملک کی سمندری حدود کی واحد نگہبان اور محافظ ہونے کی
حیثیت سے یہ دن نہایت جوش و خروش سے منایا۔ دن کی مناسبت سے پاک بحریہ کے
تعلیمی اداروں میں مختلف سرگرمیوں کا انعقا د کیا گیا تھا جن میں خصوصی
لیکچرز، سیمینارز، کوئز شوزاور مضمون نویسی کے مقابلے شامل تھے۔
علاوہ ازیں نیوی کے ساحلی یونٹس میں تعینات پاک بحریہ کے جوانوں کی جانب سے
ساحلِ سمندر کی صفائی اور منوڑہ اور سی ویو پر عوام الناس میں آگاہی پیدا
کرنے کے لیے خصوصی واک کا اہتمام بھی کیا جائے گا۔
اس موقع پر اپنے پیغام میں چیف آف دی نیول اسٹاف ایڈمرل محمد ذکاء اللہ نے
کہا کہ اللہ نے پاکستان کو 1000کلو میٹر سے زیادہ طویل ساحل، وسیع خصوصی
اقتصادی زون اور حیاتی اور غیر حیاتی وسائل سے مالا مال کونٹینینٹل شیلف سے
نوازا ہے ۔ پاکستان نیوی سمندروں کے مفید استعمال کی ضرورت اور اہمیت کی
ہمیشہ حامی رہی ہے تاکہ آئندہ نسلیں بھی ان بیش بہا خزانوں سے استفادہ
کرسکیں۔
اپنے پیغام میں انہوں نے مزید کہا کہ پاکستان نیوی سمندروں کے تحفظ اور
بقاء کے حوالے سے کی جانے والی عالمی اور قومی کاوشوں میں موثر کردار ادا
کرتی رہے گی۔