راولپنڈ ی ، آرمی چیف جنرل قمر جاوید باجوہ کی ماؤنٹ ایوریسٹ سرکرنے والے کوہ پیما کی عیادت
آرمی چیف جنرل قمر جاوید باجوہ نے حال ہی ماؤنٹ ایورسٹ سَر کرنے والے چوتھے
پاکستانی کرنل ریٹائرڈ عبدالجبار بھٹی سےسی ایم ایچ میں ملاقات کی۔
آئی ایس پی آر کے مطابق چیف آف آرمی اسٹاف جنرل قمر جاوید باجوہ نے سی
ایم ایچ راولپنڈی کا دورہ کیا۔آرمی چیف نے کوہ پیما کرنل ریٹائرڈ
عبدالجبار بھٹی کی عیادت کی۔
اس موقع پر پاک فوج کے سربراہ جنرل قمرجاوید باجوہ نے کرنل ریٹائرڈ
عبدالجبار کی صحت یابی کےلیے دعا کی۔آرمی چیف کاکوہ پیما سے گفتگو کرتے
ہوئے کہناتھا کہ سبزہلالی پرچم لہرا کر آپ نے قوم کا سر فخر سے بلند کر دیا
ہے۔
یاد رہےکہ پاک فوج میں اپنی خدمات سرانجام دینے والے کرنل ریٹائرڈعبدالجبار
بھٹی نے گذشتہ ماہ دنیا کی سب سے بلند ترین چوٹی سَر کرنے کا اعزاز اپنے
نام کیا تھا۔
واضح رہے کہ اسلام آباد آمد سے قبل کرنل ریٹائرڈعبدالبجار بھٹی ایک ہفتے نیپال کے دارالحکومت کٹھمنڈو کےاسپتال میں زیرعلاج رہے تھے۔