Aug 13, 2024 08:10 pm
views : 495
Location : Domestic Place
Islamabad- PM Shehbaz Reaffirms Commitment To Building A Strong, Prosperous Pakistan
ماضی میں وقت ضائع ہوا اس سے
سبق سیکھیں گے: وزیر اعظم شہباز شریف کا کہنا ہے کہ زراعت اور انڈسٹری کو
بڑھانے کے لیے لاگت میں کمی لانا ہوگی ، درست فیصلوں سے قوم میں امید پیدا
ہوگی
وزیر اعظم میاں شہباز شریف
نے کہا ہے کہ ماضی میں وقت ضائع ہوا اس سے سبق سیکھیں گے ، بجلی کے نرخ
میں کمی لائے بغیر زراعت اور انڈسٹری کی پیداواری لاگت میں کمی لانا ممکن
نہیں۔
اسلام آباد میں وفاقی کابینہ کے اجلاس سے خطاب کرتے ہوئے وزیر
اعظم محمد شہباز شریف کا کہنا تھا کہ حکومت اور قوم 14اگست کا دن روایتی
جوش و خروش سے منائے گی۔
انہوں نے کہا کہ ماضی میں ضائع ہونے والے وقت
سے سبق حاصل کرکے محنت کریں گے، ارشد ندیم قوم کا ہیرو ہے ، ارشد ندیم نے
40سال بعد پاکستان کو گولڈ میڈل جیت کر دیا ہے، پوری قوم اللہ کا شکر ادا
کررہی ہے ،خوشیاں منارہی ہے، ارشد ندیم نے ماضی قریب میں بھی مقابلوں میں
حصہ لیا، اللہ نے محنت اور ریاضت کی وجہ سے ارشد ندیم کو یہ مقام عطاکیا۔
وزیراعظم
نے کہا کہ یہ لمحہ پوری قوم کیلئے یکجہتی کا ہے، پاور سیکٹر نے گزشتہ کئی
ماہ سے محنت کی ہے، وزیر توانائی اور متعلقہ حکام نے بہت محنت کی،بجلی کی
قیمت کا بہت بڑا رول ہے ،ہمیں وہ ادا کرنا ہے، ایف بی آر ہمارا اہم ہدف
ہے۔
ان کا کہنا تھا میری پاور سیکٹر اورایف بی آر ان دو ایریاز میں بہت
ترجیحات ہیں، اللہ چاہے گا تو ہم ان دو سیکٹرز میں کامیاب ہوں گے، گزشتہ
6ماہ میں گورننس کو ڈیجیٹائزڈ کرنے کی کوشش کی ہے۔
محمد شہبازشریف نے
کہا کہ درست فیصلوں سے قوم میں امید پیدا ہوگی، کریز سے باہر نکل کر چھکا
ماریں گے تو کپتان کے ساتھ آپ کو کریڈٹ ملے گا، مل کر کام کریں گے تو ضرور
مشکلات سے باہر نکلیں گے، مستحکم پاکستان کیلئے مل کر کام کرنا ہوگا۔
آخر
میں وزیراعظم محمد شہباز شریف نے کابینہ اجلاس میں شہدا کیلئے بھی خصوصی
دعا کرائی اور کہا کہ ہم سب کا عزم ہے کہ عزم استحکام کیلئےہماری ہر چیز
قربان ہے۔