Jul 05, 2021 03:15 pm
views : 282
Location : Domestic Place
Lahore- ideal preparation for the series against England was not done due to the rain, Waqar Younus
لاہور، عامر کھیلنا ہی نہیں چاہتے تو کیا کریں، وقاریونس کہتے ہیں بارش کی وجہ سے انگلینڈ کے خلاف سیریز کی آئیڈیل تیاری نہیں ہوئی، یہ کوئی عذر پیش نہیں کر رہا لیکن تیاری متاثر ضرور ہوئی ہے
پاکستان کرکٹ ٹیم کے بالنگ کوچ وقار یونس کا کہنا ہے کہ آئی سی سی رینکنگ کے ٹاپ ٹین میں کوئی پاکستانی بالر نہیں تو یہ بری بات نہیں، میرے نزدیک رینکنگ نہیں پاکستان کی جیت اہم ہے، اگر پاکستان ٹیم کی رینکنگ اوپر جارہی ہے تو یہ سب سے اچھی بات ہے۔محمد عامر اور چیف ایگزیکٹیو وسیم خان کی ملاقات کا مجھے علم نہیں، عامر کے بارے میں بہت باتیں ہوگئیں، اگر وہ کھیلنا ہی نہیں چاہتے تو کیا کریں۔
وقار یونس نے ورچوئیل پریس کانفرنس کے دوران کہا کہ وسیم خان ہیڈ آف ڈپارٹمنٹ ہیں وہ کسی سے بھی مل سکتے ہیں، یہ پاکستان کی کرکٹ ہے، کسی فرنچائیز کی کرکٹ نہیں۔
انہوں نے یونس خان سے متعلق بات کرتے ہوئے کہا کہ بڑے دورے سے پہلے یونس خان کا جانا افسوس ناک ہے، یونس نے بورڈ سے تعلقات کے بارے میں پہلے ہی بتا دیا ہے، یونس خان بیٹسمینوں کے ساتھ اچھا کام کر رہے تھے۔
قومی کھلاڑیوں اور اُن کی کارکردگی سے متعلق بات کرتے ہوئے وقار یونس نے کہا کہ حارث سہیل کے ساتھ بدقسمتی رہی ہے، وہ مکمل فٹ آئے تھے امید ہے بہتر ہوجائیں گے، حارث فٹ اور فارم میں ہوتے ہیں اسی وجہ سے سلیکٹ بھی ہوجاتے ہیں۔
بالنگ کوچ وقار یونس کا کہنا تھا کہ پاکستان پچھلی چار پانچ سیریز جیتا ہے، پچھلی دو تین سیریز میں پاکستانی بالرز نے اچھی پرفارمنس دی۔
اُن کا کہنا تھا کہ شاہنواز دھانی بہت اچھی پرفارمنس دے رہا ہے، شاہنواز دھانی ٹیسٹ ٹیم میں ہے اور مستقبل کے پلان کا حصہ ہے۔