Jun 27, 2021 07:38 pm
views : 239
Location : Different Places
Islamabad- PM Imran Khan expresses happiness over 'new records' set by Roshan Digital Account
روشن ڈیجیٹل اکاؤنٹ اہم سنگ میل عبور کر گیا، وزیراعظم عمران خان
وزیراعظم عمران خان کا کہنا ہے کہ اسٹیٹ بینک کی طرف سے اچھی خبر آئی ہے، روشن ڈیجیٹل اکاؤنٹ ایک اور سنگ میل عبور کرگیا۔
تفصیلات
کے مطابق عمران خان نے سماجی رابطے کی ویب سائٹ ٹوئٹر پر لکھا کہ روشن
ڈیجیٹل اکاؤنٹ ایک اور سنگ میل عبور کرگیا ہے، جمعہ تک اوورسیزپاکستانیوں
نے ڈیڑھ ارب ڈالر کی سرمایہ کاری کی۔
ان کا مزید کہنا تھا کہ 2ماہ قبل کے ایک ارب ڈالر کے ریکارڈ کے بعد یہ دوسرا بڑا ریکارڈ ہے۔
خیال
رہے کہ رواں سال اپریل میں زیراعظم عمران خان نے اپنے پیغام میں کہا تھا
کہ الحمداللہ روشن ڈیجیٹل اکاؤنٹ میں جمع فنڈ ایک ارب ڈالر سے زائد ہوگئے،
سمندرپار پاکستانیوں کی بھرپور شرکت پر ان کا شکر گزار ہوں اور مختصر وقت
میں سنگ میل عبور کرنے پر اسٹیٹ بینک اور دیگر بینکوں کو سراہتا ہوں۔
یاد
رہے کہ فروری میں کراچی میں ایک تقریب سے خطاب کرتے گورنر اسٹیٹ بینک رضا
باقر کا کہنا تھا کہ روشن ڈیجیٹل اکاؤنٹ پروگرام وزیر اعظم عمران خان کا
تصور ہے، جس پر سمندر پار پاکستانیوں نے بھرپور اعتماد کا اظہار کیا، 5ماہ
میں97 ملکوں سے 90ہزار سے زائد صارفین نے روشن ڈ1یجیٹل اکاؤنٹ کے تحت مختلف
بینکوں میں اکاؤنٹس کھلوائے۔