Jul 26, 2020 08:53 pm
views : 308
Location : Different Places
Karachi- At least three dead, several areas experience power outages as rain lashes Karachi
کراچی میں بارش، کرنٹ لگنے سے 4 افراد جاں بحق،1 زخمی
شہر قائد میں ہونے والی بارش کے بعد صورت حال
خوفناک ہوتی جارہی ہے، سڑکیں زیر آب آنے کے بعد بارش کا پانی گھروں میں
داخل ہوگیا جبکہ کرنٹ لگنے سے دو شہری جاں بحق ہوگئے۔
تفصیلات کے مطابق
کراچی میں کرنٹ لگنے اور دیگرحادثات میں جاں بحق افرادکی تعداد 4 ہوگئی،
کرنٹ لگنے کے واقعات گلشن حدید، لانڈھی اور گارڈن میں پیش آئے۔
گلشن
حدید، لانڈھی اور گارڈن فوارہ چوک کے قریب کرنٹ لگنے سے 10 سالہ بچہ اور 22
سالہ نوجوان سمیت 3 افراد جاں بحق جبکہ ایک لڑکا زخمی ہوگیا۔شہر قائد کے
علاقے اورنگی سیکٹر ساڑھے 11 کے قریب موٹر سائیکل سوار نالےمیں گر کر جان
کی بازی ہارگیا۔
کراچی میں مون سون کے تیسرے اسپیل کا آغاز گرج چمک اور
تیز ہواؤں کے ساتھ موسلا دھار بارش کے ذریعے ہوگیا جس کے بعد شہر کے مختلف
علاقوں میں بجلی غائب ہوگئی۔
کراچی میں ہونے والی بارش کے بعد سندھ
رینجرز، ٹریفک پولیس اور سماجی تنظیموں کے کارکنان شاہراہوں پر عوام کی مدد
کے لیے پہنچ گئے اور انہوں نے سڑکوں پر جمع ہونے والی پانی کی نکاسی شروع
کردی، علاوہ ازیں رضا کار شہریوں کی بندگاڑیوں اور موٹرسائیکلوں کو بھی
گہرے پانی سے نکالنے میں مدد فراہم کرتے رہے۔
محکمہ موسمیات کے مطابق
مون سون کے تیسرے اسپیل کے دوسرے روز شہر میں سب سے زیادہ بارش گلستان
جوہر، یونیورسٹی روڈ میں 78.5 ملی میٹر اور سرجانی میں 68.4 ملی میٹر
ریکارڈ کی گئی۔
یاد رہے کہ ڈائریکٹر محکمہ موسمیات سردار سرفراز نے 23
جولائی کو کہا تھا کہ مون سون سیزن کے تیسرے سلسلے میں 26 اور 27 جولائی کو
کراچی میں گرج چمک کے ساتھ تیز بارش متوقع ہے۔