Jun 05, 2020 08:07 pm
views : 249
Location : Senate of pakistan
Islamabad- Opposition slams govt for sacking PSM employees during Senate session
اسلام آباد،مشاہداللہ کااسدعمر سے مستعفی ہونے کا مطالبہ
پاکستان اسٹیل ملز کے ملازمین کو فارغ کرنے کی منظوری کے فیصلے سے پاکستان اسٹیل ملازمین کے گھروں میں کہرام مچ گیا،4 ملازمین کو ہارٹ اٹیک،ملازمین کی بڑی تعداد ڈپریشن کا شکار ہو گئی۔
سٹیل ملز کی نجکاری کا معاملہ سینیٹ میں پہنچ گیا۔ ارکان سینیٹ نے سٹیل ملز کی نجکاری پر سوالات کئے۔ سینیٹر مشاہد اللہ خان نے کہا ملک ڈیفالٹ کی طرف جا رہا ہے، عمران خان اور اسد عمر نے کہا تھا سٹیل ملز چلا کر دکھائیں گے، بڑی بڑی بھڑکیں مارتے ہیں، اب استعفیٰ کیوں نہیں دیتے۔
سینیٹر سراج الحق نے کہا عمران خان کا دعوی تھا کہ سٹیل ملز کو وہ چلا کر دکھائیں گے، حکومت نے ایک کروڑ نوکریاں دینے کا وعدہ کیا، اب 9 ہزار ملازمین کو نکالاجا رہا ہے۔ جس پر وزیر صنعت و پیداوار حماد اظہر نے کہ سٹیل ملز 2008۔09 میں منافع سے خسارے میں چلاگیا، سال 2015 میں سٹیل ملز کو بند کر دیا گیا، اس کے بعد ساڑھے پانچ سال سے 35 ارب کی تنخواہ دی جا رہی ہے، سٹیل ملز کا قرضہ 211 ارب ہے اور 176 ارب کا خسارہ ہے۔
حماد اظہر نے کہا سٹیل ملز ملازمین کو اوسط 23 لاکھ روپے دیے جائیں گے، سٹیل ملز کے بعض ملازمین کو تو 70 لاکھ روپے ملیں گے، ہم چاہتے ہیں کہ سٹیل ملز کو پرائیویٹ پارٹنرشپ کے ساتھ چلائیں، سٹیل ملزکی قرض ری اسٹرکچرنگ کے بعد نجکاری کی جانب جائیں گے۔