نئی دہلی، بھارتی سپریم کورٹ کا شہریت کے متنازع قانون کا نفاذ روکنے سے انکار
http://www.tnnasia.tv
بھارتی سپریم کورٹ نے شہریت کے متنازع قانون کا نفاذ فوری طور پر روکنے سے انکار کرتے ہوئے وفاقی حکومت کو نوٹس جاری کردیا۔
مذکورہ قانون کے خلاف 60 درخواستوں پر سماعت کے دوران سپریم کورٹ نے مرکزی حکومت کو نوٹس جاری کیا اور کہا کہ وہ آئندہ سماعت پر اپنا مؤقف پیش کرے۔
درخواست گزاروں نے شہریت سے متعلق نئے قانون کو غیر آئینی قرار دیا ہے اور اس کے نفاذ کو روکنے کا مطالبہ کیا ہے۔
سپریم کورٹ نے کیس کی سماعت 22 جنوری تک ملتوی کردی ہے۔
بھارت میں شہریت سے متعلق متنازع قانون کیخلاف احتجاج شہر شہر پھیل گیا ہے۔
نئی دہلی ان احتجاجی مظاہروں کا مرکز بنا ہوا ہے جہاں شہریوں کو مظاہروں سے باز رکھنے کیلئے شمال مشرقی علاقے میں دفعہ 144 نافذ کرکے سڑکوں پر پولیس کا گشت بڑھادیا گیا ہے۔