Dec 11, 2019 11:20 am
views : 302
Location : Saudia Arabia/Riyadh
Riyadh- Saudi's Government has announced the locking of orphanages across the country to provide a home-like environment for orphan Children
ریاض، سعودی حکومت کا ملک بھر میں یتیم خانے بند کرنے کا اعلان
http://www.tnnasia.tv
سعودی حکومت نے یتیم بچوں کو گھر جیسا ماحول فراہم کرنے کےلیے ملک بھر میں یتیم خانوں کو تالے لگانے کا اعلان کردیا۔تفصیلات کے مطابق خلیجی ریاست سعودی عرب نے ملک بھر میں یتیم خانے بند کر نے کا اعلان کیا ہے تاکہ بچوں کی دیکھ بھال گھروں میں کی جاسکے۔
سعودی وزیر محنت و سماجی بہبود احمد الراجحی کا کہنا تھا کہ اب یتیموں کی نگہداشت مخصوص خاندانوں میں ہوگی، انہیں کسی یتیم خانے کے حوالے نہیں کیا جائے گا۔
سعودی وزیر کا میڈیا نمائندوں سے گفتگو کرتے ہوئے کہنا تھا کہ یتیم بچوں کو مکمل گھر کا ماحول مہیا کرنے کا فیصلہ کیا گیا ہے۔
وزیر محنت و سماجی بہبود نے کہا کہ وزارت نے سماجی کفالت نظام سے فائدہ اٹھانے والے 70 ہزار افراد کو لیبر مارکیٹ کا حصہ بنا دیا ہے، اب یہ لوگ سرکاری سبسڈی سے مستفید نہیں ہوںگے۔
اس سے قبل سعودی حکام نے محکمہ تعلیم مکہ نے ’’کم عمری میں تعلیم کا حصول‘‘ کے نام سے ایک پروگرام کا آغاز کیا جس کے تحت بچوں کو کم عمری میں اسکول میں داخل کرانا لازم ہوگا۔
یاد رہے کہ سعودی حکومت وژن 2030 کے تحت مختلف اقدامات کررہی ہے، مملکت میں اس حوالے سے روشن خیالی سے متعلق اہم اقدامات بھی اٹھائے جارہے ہیں۔