Sep 26, 2018 10:41 pm
views : 412
Location : Domestic Hotel
Islamabad- Chairman PPP Bilawal Bhutto addresses
اسلام آباد، ملک ایک سلیکٹڈ حکومت کے حوالے کیا جاچکا ہے، بلاول بھٹو زرداری
پاکستان پیپلز پارٹی کے چیئرمین بلاول بھٹو زرداری کا کہنا ہے کہ نوابزادہ
نصر اللہ خان کے دنیا سے جانے کے بعد بھی آج ان کے نام میں اتنی ہی طاقت ہے
کہ جس سے حزب اختلاف کی ساری سیاسی جماعتیں ایک چھت کے نیچے بیٹھی ہوئی
ہیں، نوابزادہ نصر اللہ کی زندگی کا ہر قدم جمہوریت پسندوں کیلئے ایک سبق
تھا، انہوں نے سبق دیا کہ کوئی ایک سیاسی جماعت غیر جمہوری قوتوں کا مقابلہ
نہیں کرسکتی، نوابزادہ نصر اللہ نے ساری زندگی ہر حکومت کے خلاف اپوزیشن
کی، پیپلزپارٹی کو یہ اعزاز حاصل ہے کہ شہید بے نظیر بھٹو کی دوسری حکومت
میں وہ واحد دور تھا جب نواب صاحب حکومت میں تھے۔
اسلام آباد میں نوابزادہ نصر اللہ خان کی پندرہویں برسی کی تقریب سے خطاب
کرتے ہوئے بلاول بھٹو زرداری کا مزید کہنا تھا کہ پیپلز پارٹی اور نواب
صاحب کا گہرا رشتہ تھا، مشرق کی بیٹی سے قدم سے قدم ملاکر نواب صاحب نے بہت
سی سیاسی منزلیں ایک ساتھ طے کیں، نواب صاحب کے صاحبزادے افتخار احمد خان
پیپلز پارٹی کے پلیٹ فارم سے قومی اسمبلی کے رکن منتخب ہوئے، یہ نسلوں کی
وفا کا رشتہ ہے، کل بھی نواب صاحب ہمارے ساتھ کھڑے تھے آج بھی نواب صاحب
ہمارے ساتھ کھڑے ہیں۔
بلاول بھٹو زرداری کا یہ بھی کہنا تھا کہ پاکستان ایک اہم سیاسی دور سے
گزررہا ہے، ملک ایک سلیکٹڈ حکومت کے حوالے کیا جاچکا ہے، ملک میں جذباتی
جمہوریت مسلط کردی گئی ہے، پی ٹی آئی کے ناتجربہ کار حکمران اپنے غلط
فیصلوں سے ملک کو تباہی کی جانب لے کر جارہے ہیں، میں نے تو سوچا تھا کہ سو
دن بعد ڈٹ کر اپوزیشن کروں گا مگر سلیکٹڈ وزیراعظم نے ایسے حالات پیدا
کردیئے ہیں کہ ہر گزرتا دن عوام کیلئے مشکلات کی وجہ بن رہا ہے۔
انہوں نے کہا کہ میں آج کے پروگرام کو جمہوریت پسندوں کیلئے نوابزادہ نصر
اللہ خان کی روحانی مدد تصور کرتا ہوں، اختلافات جمہوریت کا حصہ ہیں،
اختلافات کو برقرار رکھتے ہوئے عوام کی فلاح کے ایشوز پر جہاں اتفاق ہوگا
وہاں ہمیں ساتھ مل کر کام کرنا چاہیے۔