اسلام آباد،پیپلز پارٹی نے گیس کے نرخوں میں 46 فیصد اضافے کی مخالفت کردی
پیپلز پارٹی نے گیس کے نرخوں میں 46 فیصد اضافے کی مخالفت کردی ہے،پیپلزم پارٹی رہنماؤں نے حکومت سے مسائل کو حل کرنے کے لئے ٹھوس اقدامات کا مطالبہ کیا ہے۔
اسلام آباد میں ذرائع ابلاغ عامہ کے نمائندوں سے گفتگو کرتے ہوئے پاکستان پیپلز پارٹی کی رہنما نفیسہ شاہ کا کہنا تھا کہ گیس کے نرخوں میں 46 فیصد اضافے کی مذمت کرتے ہیں چند دنوں میں حکومت نے 2 روپے بجلی کے بل میں، شناختی کارڈ کی فیس ،اے ٹی ایم سے پیسے نکالنے کی فیس میں اضافہ کیا ہے،نئے پاکستان میں صرف نئے بلز اور نئے اخراجات کے علاوہ کچھ نہیں ہو رہا۔
پیپلزمپارٹی رہنما کا کہنا تھا کہ عمران خان نے سو دن کا جو پلان دیا تھا اس سے ظاہر ہورہا تھا کہ بہت زیادہ تیاری کی ہوئی ہے لیکن 20 دن گذرنے باوجود بھی ہم منتظر ہیں کہ فیصلے سازی کہاں ہے۔
پیپلز پارٹی کی رکن قومی اسمبلی کا کہنا تھاکہ ہمیں یہ تو پتہ ہے کہ او ایل ایکس پر کتنی گاڑیاں بیچی گئی ہیں،ہمیں یہ بھی پتہ ہے کہ وزیر اعظم کے پاس کتنی پیلی کاپٹر ہیں اور کتنی فون کالز کی گئی ہیں تاہم یہ نہیں پتہ کہ نو ارب ڈالرز کہاں سے آئیں گے،ایک ہزار بلین کے خسارے کا سامنا ہے ہے اتنا پیسہ کہاں سے آئیگا،مسائل کو حل کرنے کے لئے حکومت کچھ نہیں کر رہی صرف وہ کام کر رہی ہے جس سے عوام کا دھیان بٹے۔
مولا بخش چانڈیو کا کہنا تھا کہا جس طرح بیس دن گذرگئے باقی کے اسی دن بھی اسی طرح گذر جائیں گے،وزیر اعظم بتائیں کہ بھوک اور افلاس کو ختم کرنے کے لئے عمران خان نے کیا کیا ہے،وزیر اعظم کھل کر دہشتگردوں کی مخالفت کریں۔