کھٹمنڈو،وزیراعظم شاہد خاقان عباسی سے نیپال کے سابق وزیراعظم پشپا کمال دھال پراچندا کی ملاقات
وزیراعظم شاہد خاقان عباسی سے نیپال کے سابق وزیراعظم پشپا کمال دھال
پراچندا نے ملاقات کی جس کے دوران باہمی دلچسپی کے امور پر تبادلہ خیال کیا
گیا۔
ترجمان وزیرا عظم ہا وس کے مطابق نیپال کے دارالحکومت کھٹمنڈو میں ہونے
والی ملاقات کے دوران دونوں رہنماؤں نے دونوں ملکوں کے مابین بہترین
دوستانہ تعلقات پر اطمینان کا اظہار کیا اور مستقبل میں باہمی تعاون بڑھانے
پر اتفاق کیا۔
پشپا کمال دھال نے وزیراعظم شاہد خاقان عباسی کے دورہ نیپال کے حوالے سے
کہا کہ ان کا دورہ پاکستان اور نیپال کے درمیان تعلقات کی مضبوطی کا باعث
بنے گا اور اس سے دونوں ملکوں کے درمیان دوطرفہ تعلقات بڑھانے اور باہمی
مفادات میں اضافے کا موقع بھی ملے گا۔
وزیراعظم شاہد خاقان عباسی نے پشپا کمال دھال کو ان کی جماعت کی کامیابی اور جمہوری عمل کا حصہ رہنے پر مبارکباد دی۔
وزیراعظم شاہد خاقان عباسی کا کہنا تھا کہ سی پیک چین کے ون بیلٹ ون روڈ
منصوبے کا اہم حصہ ہے، اس میں موٹرویز، گوادرائرپورٹ ، فری اکنامک زونز اور
توانائی کے منصوبے شامل ہیں۔