Oct 09, 2020 07:48 pm
views : 278
Location : Domestic place
Islamabad- PM Imran Khan comes out swinging against Opposition, says will uphold the law at all costs
اسلام آباد، نوازشریف لندن میں بیٹھ کر اپنی چوری بچانے کی تحریک چلارہے ہیں، وزیراعظم
اسلام
آباد میں آل پاکستان انصاف لائرز فورم کے زیر اہتمام سیمینار سے خطاب
کرتے ہوئے وزیراعظم عمران خان کا کہنا تھا کہ مدینہ کی ریاست کی بنیاد
قانون کی بالادستی تھی اور ریاست مدینہ میں کوئی بھی قانون سے اوپر نہیں
تھا لہذا قانون کی بالا دستی کے بغیر خوشحالی ممکن نہیں۔
وزیراعظم عمران
خان کا کہنا تھا کہ یہ پاکستان کے لیے بڑا اہم وقت ہے، سارے بیروزگار
سیاستدان اکٹھے ہوگئے ہیں، پوچھا جائے کہ یہ سارے کیوں اکٹھے ہوئے ہیں، یہ
سب اس لیے اکٹھے ہوئے ہیں کیوں کہ یہ قانون کی بالا دستی نہیں مانتے، یہ
کہتے ہیں کہ ہم چوری کریں، ڈاکہ ڈالیں تو کوئی ہمیں ہاتھ نہ لگائے، عدالت 2
سال کے بعد فیصلہ کرتی ہے تو کہا جاتا ہے کہ مجھے کیوں نکالا، یہ سپریم
کورٹ کا فیصلہ نہیں مانتے، یہ فیصلے اس لیے نہیں مانتے کیونکہ وہ سمجھتے
ہیں کہ وہ قانون سے اوپر ہیں۔
وزیراعظم نے کہا کہ کوئی دیکھے کہ 30 سال
پہلے ان کے پاس کیا تھا اور اب کیا ہے، یہ سجمھتے ہیں کہ باہر نکل کر عمران
خان کو بلیک میل کرلیں گے تو ایسا نہیں ہوسکتا، یہ لوگ کسی اور مقصد کے
لیے نکلے ہیں۔ ان کا کہنا تھا کہ نواز شریف خود لندن میں بیٹھے ہیں اور
کارکنو ں سے کہتے ہیں کہ سڑکوں پر نکلو، یہ کارکنوں کو قیمے کے نان بھی
کھلادیں تو کارکن نہیں نکلیں گے، نوازشریف لندن میں بیٹھ کر اپنی چوری
بچانے کی تحریک چلارہے ہیں۔